O Consorcio Provincial de Bombeiros de Lugo aprobou na súa reunión plenaria de hoxe, o orzamento para o vindeiro ano, que ascende a 5.170.752 euros, o que reflicte un incremento de máis de 400.000 euros respecto ós orzamentos vixentes para este ano, que se destinarán prioritariamente a investimentos.
O Pleno deu luz verde ás contas do Consorcio que engloba os parques de Barreiros, Chantada, Monforte, Sarria, Vilalba e Viveiro. Como principal novidade, nas contas para o próximo ano contémplase a adquisición dun camión nodriza equipado para o parque de bombeiros de Monforte. Tamén se aprobou a adquisición de diverso equipamento para este parque, coa dotación de novo material de intervención para oficinas e ximnasio antes de rematar este mesmo ano.
Trátase, deste xeito, de situar a Monforte nun plano de igualdade co resto dos parques da provincia, posto que cómpre lembrar que este parque comezou a traballar hai un ano co material que dispoñía cando as instalacións estaban xestionadas de xeito exclusivo polo Concello.
Os seis parques que integran o Consorcio de Bombeiros de Lugo estende o seu ámbito de actuación a toda a provincia e, xunto co parque municipal de Lugo, dan cobertura en caso de emerxencias ó 90 por cento da poboación. En 2012 rexistraron unhas 525 intervencións, mentres que a setembro deste ano 2013 o balance total era de 504 intervencións. Neste ano o que rexistra maior actividade é o de Sarria, seguido do de Monforte.
O Consorcio de Bombeiros de Lugo, financiado ó 50% pola Deputación de Lugo e a Xunta de Galicia, no que tamén participan os Concellos, é un exemplo de colaboración entre as Administracións co obxectivo de optimizar os recursos existentes e ofrecer ós cidadáns servizos cada vez máis eficientes.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
