O Vicedo, 4 de novembro de 2013.- A delegada territorial, Raquel Arias, visitou este luns aos alumnos participantes no obradoiro de emprego Río Sor, que comezou hai uns días e foi impulsado conxuntamente polos concellos de O Vicedo, Muras e Ourol.
A delegada subliñou que a Consellería de Traballo e Benestar creou este ano preto de 200 postos de traballo a través dos 9 obradoiros de emprego impulsados na comarca, que involucraron a 12 concellos e suman un investimento de máis de 1,3 millóns de euros.
No conxunto da provincia, engadiu, xeráronse preto de 500 empregos en 17 obradoiros, que supuxeron un investimento global de 3,5 millóns de euros.
Raquel Arias defendeu o novo modelo que prima a presentación de proxectos conxuntos entre varios municipios porque “significa coordinar accións e reducir custos, permitindo o acceso do maior número posible de persoas desempregadas”.
No caso do obradoiro Río Sor, conta con 20 alumnos traballadores máis cinco membros no cadro de persoal, entre monitores, persoal de administración e de dirección. Supón un investimento de 177.700 euros por parte da Xunta de Galicia e ofrece formación en xardinería e atención sociosanitaria a domicilio.
Arias estivo acompañada polos respectivos alcaldes, José Jesús Novo, Issam Alnagm e Marcial Sanjurjo, ante os que subliñou a necesidade de seguir sumando sinerxías que procuren a creación de postos de traballo a nivel local. Ao respecto, indicou que existen novos viveiros de emprego susceptibles de xerar postos de traballo e “os concellos xogan un importante papel para detectar e aproveitar estes nichos de emprego no seu ámbito”.
Os participantes do obradoiro levarán a cabo o acondicionamento dos xardíns das prazas e da aldea etnográfica de Carelle, en Muras; a construcción de soleiras para contedores en Muras e no Vicedo; a reforma a habilitación de zonas verdes na zona de O Mesón, en Ourol; o acondicionamento do espazo ocupado pola antiga depuradora municipal do Vicedo, e o mantemento das áreas recreativas de San Roman, Folgueiro e Moreiras, tamén no Vicedo.
Polo que respecta á especialización de atención sociosanitaria, o programa prestará atención a persoas que a necesiten dos concellos de Ourol e O Vicedo.
Os obradoiros están dirixidos a persoas maiores de 18 e teñen unha duración de seis meses, durante os cales os alumnos traballadores perciben un salario e adquiren unha formación teórica e práctica orientada ás demandas reais do mercado laboral.
Esta filosofía de “aprender traballando” permite ademais que os obradoiros realicen obras e servizos de interese para os concellos que os albergan, aspecto que tamén apuntou Arias durante a súa visita. “En xeral –afirmou- estes proxectos abren un importante espazo de colaboración cos concellos, que son os que mellor coñecen tanto o seu potencial como as súas necesidades”.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
