Cervo, 17 de decembro de 2013- O Concello de Cervo informa de que este xoves pola mañá terá lugar unha proba acústica para comprobar o funcionamento das sirenas de aviso á poboación instaladas tanto no encoro de Río Covo como na balsa de lodos vermellos de Xove. O procedemento será o seguinte: Nun momento da mañá, aínda sen fixar, comezaranse a escoitar os sons das sirenas, cunha duración total de seis minutos.
Os sinais acústicos emitiranse en 12 ciclos, que intercalarán 20 segundos de son e 10 segundos de silencio. Ademais, escoitarase tamén o sinal de fin de alerta, que será de 30 segundos continuos e que marcaría o remate do perigo e a volta á normalidade. A primeira proba realizarase en Xove e, a segunda, en Cervo.
Con este exercicio os organismos implicados pretenden, por unha banda que os veciños das zonas de influencia se familiaricen co son da sirena de aviso de evacuación e identifiquen o sinal de inicio da alarma e o fin da emerxencia; e por outra, comprobar o correcto funcionamento das sirenas e que se perciban os sinais con nitidez en todas as poboacións afectadas. Para iso, os técnicos colocaranse en diferentes puntos con fonómetros para comprobar que o alcance e a intensidade do sinal é o axeitado.
O edil de Seguridade Cidadá de Cervo, José Ramón Soto, quixo lanzar unha mensaxe de tranquilidade á poboación “xa que só se trata dunha proba de seguridade, que non implica ningunha acción por parte da cidadanía, que poderá continuar coa súa actividade normal”. O que si poderá notar a veciñanza é unha maior presenza dos servizos de emerxencias nas rúas de ambos municipios.
A poboación de Cervo e Xove xa foi avisada a través de carta da realización deste exercicio para non provocar alarma entre a poboación e para que fose coñecedora do obxectivo da activación das sirenas. Ao mesmo tempo, tamén se enviaron trípticos informativos a todos os fogares das zonas de influencia, que pretenden ser unha guía útil e básica coas normas de actuación e consellos de autoprotección no hipotético e improbable caso de emerxencia, así como os puntos de encontro designados en caso de evacuación.
Este exercicio forma parte da fase de implantación e de información á poboación do plan de emerxencias do encoro de Río Covo e o plan de emerxencias exterior da balsa de lodos vermellos, posta en marcha polos Concellos de Cervo e Xove, Alcoa, a Dirección Xeral de Emerxencias e Augas de Galicia.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
