RECUNCHO DE ECONOMÍA. Hoxe, 18 de decembro, Día Internacional do Migrante, releo os versos do poema de Rosalía de Castro ¡Pra a Habana!, que forma parte do seu libro Follas Novas.
Penso na situación socioeconómica de Galicia en 1883 e no gran cambio socioeconómico que se produciu neses 130 anos; a mellora do nivel medio de benestar foi moi grande desde entón, pero hai problemas vellos que rexorden cunha faciana nova.
Leo un estudo que veñen de publicar tres profesores da Universidade de A Coruña na Revista Galega de Economía; nel analizan os movementos migratorios entre as comunidades autónomas do Estado español do ano 2003 ao 2010, a partir dos datos das persoas inscritas nas oficinas do Servizo Público de Emprego.
Os datos reflicten un importante problema da Galicia actual: a perda de recursos humanos. Neses oito anos acadaron un traballo noutra comunidade autónoma 315.155 persoas que saíron de Galicia, mentres que só viñeron doutras comunidades a Galicia 186.469. os números vermellos deste saldo migratorio foron, xa que logo, de 128.686 persoas.
Case a metade (un 47%) das persoas que se foron traballar a outras comunidades eran menores de 30 anos e un 39% grupo de idade: 30 a 44 anos. O total de persoas con titulación universitaria que se foron no período 2003-2008 a traballar noutras nacións ou rexións do Estado español ascendeu a 39.581, repartidos case á metade entre mulleres (19.173) e homes (20.408). Dado que nesa xeira remataron os seus estudos universitarios en Galicia ao redor de 72.000 persoas, resulta que case a metade fóronse a traballar fóra da nosa nación.
Queda claro o desaproveitamento do capital humano de Galicia, que non é quen de ofrecerlle na súa Terra traballo aos seus habitantes e expulsa continuamente poboación.
Moitas persoas estarán xa informadas deste traballo de investigación. Cómpre subliñar, para salientar que o noso problema migratorio é moito maior que o que figura nel, que boa parte da mocidade galega mellor formada (universitari@s, estudantes de ciclo superior de formación profesional) fóronse e seguen a irse a outros Estados distintos do español.
Non é doado cuantifical@s, porque boa parte deles seguen empadroad@s en Galicia e non hai un rexistro estadístico preciso para saber cant@s son. Son … moitísim@s!
Velaí a terceira onda emigratoria da Galicia desde que Rosalía de Castro escribiu o poema no que figuran os dous versos que dan título a este artigo e tamén:
-“María, eu son mozo,
Pedir non me é dado,
Eu vou polo mundo
Para ver de ganalo”
Despois desa onda migratoria transoceánica, veu a segunda, transpirenaica, especialmente importante cuantitativamente de 1960 a 1974. Agora, andamos a sufrir os devastadores efectos da terceira onda migratoria, máis silenciosa que as anteriores; non temos fotos das despedidas nos portos : vanse un a un, co seu billete aéreo low cost, a traballar na hostalería londinense mentres melloran o seu idioma inglés … coa esperanza de que a tormenta económica vaia pasando.
E así segue o noso devalar como nación. Investimos na formación da nosa poboación … para que outros recollan os seus froitos. A xeración máis preparada da nosa historia vese expulsada do seu fogar (do grande, do de Breogán). Vese que os tempos non son chegados.
Roubámoslle o futuro aos nosos fillos mentres ollamos hoxe si e mañá tamén episodios de corrupción e prebendas dunha clase política que nin é quen de pagar impostos como o resto da cidadanía (que ocupamos os asentos de segunda ou terceira clase).
A todas as persoas que se van nesta onda migratoria silandeira, só me queda pedirlle perdón porque co noso quefacer non foramos quen de xerar en Galicia oportunidades laborais para vós, e sumarme a Rosalía dándovos azos, con versos do mesmo poema xa citado, que debedes tamén ler en feminino:
-Animo, compañeiros!
Toda a terra é dos homes
Manuel Roca Cendán
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
