Lugo, 18 de decembro de 2013.- Novas Xeracións renova este sábado, 21 de decembro, a súa organización local en Mondoñedo, durante o transcurso dun congreso que se celebrará ás 18:00 horas, no salón de actos da Casa da Xuventude do municipio.
Beatriz Meilán é a única candidata que opta á presidencia local, polo que se prevé que a moza mindoniense vinculada dende fai anos á política municipal será a sucesora no cargo de Alberto García.
Alberto García deixa a presidencia da agrupación unha vez transcorrido o período á súa fronte, co obxecto de que novas persoas podan continuar o camiño iniciado fai tres anos; polo que anima á xuventude a formar parte da política municipal a través de Novas Xeracións.
Programa do Congreso Local de Novas Xeracións
O programa do Congreso Local recolle para ás 18:00 horas a constitución da mesa do congreso, seguida da benvida por parte de Alberto García aos afiliados e simpatizantes que participen e durante a que fará un breve balance dos últimos anos da formación política.
Unha vez celebrada a votación, prevese a intervención da nova responsable local e a clausura do congreso coas intervencións de Daniel Vega e Elena Candia, presidente provincial Novas Xeracións de Lugo e a súa homónima á fronte do PP en Mondoñedo, respectivamente.
Campaña de recollida de alimentos
Para este fin de semana a formación de Novas Xeracións de Mondoñedo tamén ten prevista unha recollida de alimentos non perecedoiros e xoguetes no marco da campaña “Axúdanos a repartir sorrisos”.
Os que o desexen poderán depositar as súas doazóns na sede do Partido Popular de Mondoñedo (Rúa da Fonte, número 44, ao lado de Supermercados Claudio) o sábado 21 e domingo 22, de 11:00 a 14:00 horas; e o luns día 23, pola tarde, en horario de 16:00 a 21:00 horas.
Os xoguetes e alimentos non perecedoiros reunidos entregaranse a Servizos Sociais do Concello, que se encargará de distribuílos ás familias máis desfavorecidas do municipio.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
