Lourenzá, 17 de decembro de 2013. A concelleira de Educación e Cultura en Lourenzá, Lupe Flórez Seivane, anunciou a programación organizada polo Concello para este Nadal, que comezará este domingo 22 cun concerto de canto. E ata o 8 de xaneiro haberá actividades como a visita de Papá Noel, a cabalgata dos Reis Magos, o estreo do grupo municipal de teatro infantil e obradoiros.
Lupe Flórez explicou que o programa de actividades “dará comezo o día 22 de decembro, domingo, ás seis da tarde na igrexa de Santa María de Valdeflores, onde os alumnos da escola municipal de música e danza Osorio Gutiérrez van levar a cabo un pequeniño concerto de cantos de Nadal”.
A concelleira destacou que “unha das visitas máis esperadas, como tódolos anos, será a de Papá Noel, que chegará na tarde do luns 23 de decembro ao noso concello. A súa visita vai comezar polos máis maiores, xa que pasará polo centro de día; posteriormente irá a ver aos máis pequeniños no punto de atención á infancia Meniños, onde recibirá as súas cartas e lles entregará unhas lambetadas; e finalmente a recepción máis oficial, que facemos todos os anos con Papá Noel, terá lugar ás seis da tarde na sala de exposicións da Casa do Concello, onde recibirá a todos aqueles nenos que se queiran achegar a facerlle as súas últimas peticións e entregaralles unhas lambetadas. A xornada rematará coa proxección dun filme dirixido ao público infantil”.
Flórez Seivane tamén anunciou que “ao longo de todas as vacacións escolares desta época de Nadal teremos uns obradoiros e xogos, que estarán dirixidos polo monitor sociocultural do Concello e van ter lugar fóra dos días propiamente festivos: en decembro serán os días 23, 26, 27 e 30 e nos mes de xaneiro serán os días 2, 3, 7 e 8, xa que debemos recordar que as vacacións escolares rematan precisamente ese día 8 e comezan o colexio os nenos o 9 de xaneiro. O prezo por participar nestes obradoiros e xogos de Nadal, que van ter lugar durante as mañás deste período vacacional, é de 6 euros para todas as xornadas. A inscrición será na biblioteca municipal ao longo de toda esta semana ata o venres, 20 de decembro. As prazas son limitadas e polo tanto respectarase por rigorosa orde de inscrición a participación dos nenos que se queiran anotar. O horario de información e inscrición na biblioteca municipal é de 5 a 8 da tarde”.
A edil comentou ademais que “finalmente, como todos os anos, unha das visitas máis agardadas aparte da de Papá Noel, será a tradicional por excelencia, a cabalgata dos Reis Magos, que desfilarán polas rúas do noso concello o domingo 5 de xaneiro. Van facer un pequeno percorrido polas tres parroquias do Val de Lourenzá (San Adriano, Santo Tomé e San Xurxo) facendo distintas paradas tanto nas igrexas parroquiais como nos centros cívicos. E xa que o ano pasado fixémolo na igrexa parroquial de San Adriano nesta ocasión tocaralle á igrexa de Santo Tomé acoller un pequeno concerto de panxoliñas a cargo do coro parroquial da igrexa de Vilanova de Lourenzá. Finalmente desembarcarán na capitalidade do municipio, en Vilanova. A saída está prevista desde o albergue de peregrinos para que percorra as rúas principais do noso concello e finalmente rematen, como todos os anos, asomándose ao balcón da Casa do Concello, desde onde dirixirán unhas palabras a todos os nenos presentes para despois facer a recepción neno a neno nas escalinatas de acceso ás oficinas municipais”.
Lupe Flórez tamén salientou que “unha das actividades máis esperadas para este Nadal en Lourenzá vai ser o estreo do grupo de teatro infantil do noso concello. Son un grupo de nenos que levan practicamente uns dez meses ensaiando unha obra de teatro que escribiu Pepe Peinó e que a técnica de Cultura adaptou para os nenos de Lourenzá titulándoa TeleLourenzá. Procederase aos estreo desa peza teatral despois da cabalgata de Reis, na tarde noite do domingo 5 de xaneiro no salón de actos municipal de Lourenzá”.
A concelleira de Educación e Cultura rematou lembrando “a todos os nenos e adultos que permanezan atentos aos carteis que se colocarán nos puntos habituais e, por outra parte, en forma virtual na páxina web do Concello (www.concellodelourenza.es) e tamén nas redes sociais a través do perfil de facebook do Concello de Lourenzá, onde se irán actualizando todas as novas relativas a esta programación de Nadal. Por exemplo a cabalgata dos Reis Magos non está totalmente perfilada, pois sabemos que vamos contar coa colaboración, como xa ocorreu en anos anteriores, da asociación de comerciantes local, que nos vai prestar diversa colaboración na organización da mesma, pero é algo que non está totalmente perfilado e que vai irse actualizando en días vindeiros”.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
