Lugo, 30 de decembro de 2013.- As denuncias efectuadas polo Partido Popular que alertaba sobre a discriminación na que incorre o Plan de emprego deseñado polo Goberno que preside José Ramón Gómez Besteiro veñen de confirmarse na súa totalidade logo de coñecerse a Resolución da Xunta de Goberno da Deputación na que exclúe a 55 dos 67 concellos da provincia e, deste xeito, deixa fóra da oportunidade do proceso de selección das 80 prazas dispoñibles á inmensa maioría dos parados da provincia.
Desde o Grupo Provincial do Partido Popular a súa portavoz, Elena Candia explica que a Comisión de Valoración do Plan de emprego que aplicou as bases elaboradas polo bipartito so permite beneficiarse do Plan a 12 municipios, confirmando os datos dos que falaba o PP e lamentou que pese ás múltiples queixas recibidas desde todos os puntos da provincia e a indignación xerada entre a poboación PSOE e BNG non teñan rectificado e decidan poñer en marcha un plan que rouba os dereitos dos parados da provincia en función dos intereses partidistas de Besteiro e que exlúe aos parados en función do concello no que residan.
Os populares sosteñen que un plan de emprego financiado con cartos públicos debera chegar a todos os concellos da provincia sen exclusión e incluir unhas bases nas que, como fai a Xunta, se garanta a igualdade de oportunidades de todos os desempregados lucenses.
O BIPARTITO MENTIU ATA O ÚLTIMO MOMENTO
Elena Candia acusou tamén aos deputados do bipartito provincial de aproveitar as mentiras e medias verdades ata o último momento co fin de enganar aos lucenses.
Neste senso denunciou que o propio día 21, con ocasión da histórica concentración silenciosa promovida polo PP en denuncia dos aspectos discriminatorios deste plan de emprego, o portavoz socialista provincial, Manuel Martinez, fixo unhas declaracións -reflectidas nunha nota de prensa que pode ser consultada por cualquera- na que aseguraba que o plan beneficiaría a 24 concellos lucenses, a sabendas de que este dato era falso, xa que un día antes – o 20 de decembro- xa tiñan asinada a resolución que limitaba os concellos beneficiarios aos 12 definitivos, excluíndo ao resto.
“Pisotean os dereitos dos desempregados lucenses e minten sen rubor nin disimulo” -conclúe Candia- quen sinala que o Grupo Popular seguirá defendendo a necesidade dun plan de emprego que non discrimine a ningún concello e dea igualdade de oportunidades a todos os lucenses que se atopan sen emprego.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
