Lugo, 5 de xaneiro de 2014.- O secretario do Parlamento galego e deputado do Grupo Parlamentario Popular, José Manuel Balseiro, destacou este venres, que preto de 5.300 pensionistas da provincia de Lugo recibirán este mes unha paga extraordinaria de 206 euros.
O pagamento desta extra realizarase a través dunha transferencia bancaria na conta corrente onde os beneficiarios teñan domiciliado o recibo ordinario da súa prestación. Para este concepto a Xunta reserva unha partida global de preto de 9 millóns de euros
“Trátase dunha iniciativa impulsada polo Goberno galego como apoio ás persoas vulnerables nos momentos de maior dificultade económica” -explicou Jose Manuel Balseiro- “E, de feito, este complemento está destinado ás persoas beneficiarias de pensións non contributivas; ás que perciben o fondo de asistencia social e ás que cobran o subsidio de garantía de ingresos, isto é, complementa ás prestacións máis baixas”
O COMPLEMENTO MÁIS ELEVADO DE TODA ESPAÑA
José Manuel Balseiro recordou que se trata dun complemento que só existe noutras dúas comunidades: Andalucía e Cataluña. Pero grazas ao esforzo feito pola Xunta, nestes anos de crise, o incremento dun 3% con respecto ao ano 2009 convérteo no máis elevado de toda España.
SENSIBLES COS QUE MÁIS O NECESITAN
Así mesmo, subliñou que ese esforzo necesario para poder abonalo é un paso máis dentro da aposta da Xunta por apoiar ás persoas máis desfavorecidas fronte á crise económica.
“Hoxe, polo tanto, queremos reiterar e materializar o compromiso do Goberno que preside Alberto Núñez Feijóo por establecer esta paga extraordinaria como fixemos en 2009, en 2010, en 2011, en 2012 e como imos facer no ano 2013. Coa dificultade propia do momento, estamos tentando demostrar á sociedade galega que hai unha vontade de seguir sendo sensibles coa situación de dificultade económica que están a padecer as familias que máis o necesitan”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
