A semifinais do Campionato de España de Seleccións Territoriais de Fútbol Sala Feminino Sub 17, que se celebra en Burela, ofreceron un gran espectáculo en Vista Alegre que superou os 400 espectadores. Intensidade, emoción, xogadas de calidade, auténticos golazos e numerosos detalles de calidade evidenciaron que o futuro do Fútbol Sala español feminino está asegurado. As selección de Madrid e Murcia disputaránse o cetro nacional o domingo 26, a partir das 12.00 horas en Vista Alegre.
Galicia e Rexión de Murcia amosaron desde moi pronto a súa candidatura á final para acompañar a Madrid, vencedora no primeiro duelo (4-1) ante A Rioxa. Sen especular, galegas e murcianas xogaron un encontro de poder a poder no que o acerto das porteiras impediu que o marcador se movese durante o primeiro periodo.
Na segunda parte desatáronse completamente a hostilidades cun ritmo frenético en ambas escuadras. Murcia abriu o marcador nos primeiros compases por mediación de Pepa que comezou o seu recital, marcou os 4 goles murcianos, pero inmediatamente chegou a resposta galega. María Romero nunha nova mostra da súa tremenda clase e calidade conseguiu o 1-1, tras un potente zurdazo que fulminou a meta murciana.
Sen apenas respiro, Candea aproveitou a súa verticalidade e logrou situar a Galicia por diante no marcador (2-1). Tralo intenso intercambio de golpes o encontro entrou nunha dinámica máis tranquila ata que emerxeu a figura de Pepa. A murciana respondeu ao envite galego cun potente e inapelable disparo que igualaba a contenda (2-2).
O xogo transcorría sen un claro dominador cara ao desenlace final e unha vez máis apareceu Pepa en escena destilando o seu tarro das esencias. Nunha acción individual marcaba o 2-3, minuto 36, que obrigou a Galicia a apostar polo xogo de cinco. Non lograban as galegas a igualada e Pepa acaparou todo o protagonismo cun cuarto tanto (2-4) sentenciando o encontro e guiando a Murcia á gran final.
Semifinal Madrid-A Rioxa. Na primeira semifinal, Madrid impúxose con claridade (4-1) á Rioxa grazas á súa maior efectividade na definición. O duelo camiñou pola senda da igualdade a pesar do tanto logrado Sofía que adiantaba a Madrid no minuto seis. Co 1-0 mantívose a dinámica e ambas seleccións xeraban perigo ao seu rival pero sen acerto na definición. Con este marcador chegouse ao descanso e na continuación as madrileñas demarraron nada máis empezar con dous goles, asinados por Hova e Paula Llorente (3-1).
A once para o final, A Rioxa intentou cambiar o devir do choque con porteira xogadora aínda que o 3-1 chegou nunha contra que Ángela definiu con determinación. Madrid soubo defender a súa renda e redondeou nos últimos segundos o seu pase á final co 4-1 logrado por Paula Llorente.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
