Lugo, 25 de xaneiro de 2014.- O Grupo Provincial do Partido Popular asegura que a mentira é a única arma da Deputación de Lugo para xustificar axudas a entes afíns, ao que engaden que a lista de asociacións citadas se engrosa con outra subvención concedida a Solga.
A Fundación Solidariedade Sindical Galega (Solga) percibiu unha achega económica da administración lucense por un importe de preto de 30.000 euros, dirixida á instalación para dotar de autonomía o subministro eléctrico mediante enerxías renovábeis nunha gardería infantil en Paraguai.
Esta subvención, segundo denuncian os populares, unha vez máis, concedeuse a través do procedemento de excepcionalidade, do que abusa Besteiro, para beneficiar a entes afíns a sindicatos ou partidos políticos.
Solga, con domicilio social en Santiago de Compostela, foi constituída por escritura pública outorgada ante notario en Vigo, pola Confederación Intersindical Galega (CIG).
Só lles queda recorrer a mentiras ou medias verdades
O Grupo Provincial do Partido Popular explica que ao equipo de goberno da Deputación só lles queda recorrer a mentiras ou medias verdades para argumentar os motivos que o levan a utilizar con fins partidistas os fondos públicos de todos os lucenses.
Neste senso, os populares matizan que existe unha única verdade, avalada polas publicacións no Boletín Oficial da Provincia, en actas de xuntas de goberno e en decretos de presidencia: A Deputación de Lugo utiliza de maneira moi recorrente o procedemento de excepcionalidade para beneficiar a asociacións vinculadas a partidos políticos e sindicatos para fins que, consideramos, que non recollen o principio de necesidade.
As asociacións non figuran no PES
O GPP explica que dende a Deputación de Lugo menten ao asegurar que todas estas subvencións están avaladas no Plan Extratéxico de Subvencións (PES), ao que se refiren como un documento xenérico, un verdadeiro caixón de xastre, que recolle partidas das que non se sabe nin o destino nin o procedemento a seguir.
Deste xeito, no PES 2012, 2013 e 2014 non aparecen citadas as tres asociacións ás que o PP fixo referencia na nota de prensa enviada onte, venres 24 de xaneiro, o que demostra a mentira da Deputación de Lugo.
E máis, o GPP engade que non votou a favor da proposta presentada polo equipo de goberno sobre o Plan Estratéxico de Subvencións da Deputación de Lugo, nas anualidades ás que referiu. O seu posicionamento ou ben foi en contra, como acontece no PES do 2013, ou abstención. Neste senso, o PP xustifica a súa abstención na existencia de asociacións e municipios que solicitan axudas para fins moi necesarios e que os populares non queren que se entenda o seu voto como un posicionamento en contra destes entes.
As actas plenarias recollen as denuncias do PP
Os populares nos debates de aprobación do PES denunciaron en todo momento, tal e como recollen as actas, -achégase unha delas-, que estes plans non son obxectivos nin se rexen polo principio de igualdade. Nestes debates os populares incluso chegan a facer referencia a algunha das asociacións citadas e denunciando o partidismo que vai en detrimento dos concellos gobernados polo PP.
En ditas actas, os populares tamén denuncian o procedemento seguido para a concesión das subvencións. Mentres que a lei regula a concorrencia competitiva como o procedemento máis recorrido; para a Deputación de Lugo a normalidade é a concesión a través do procedemento de concesión directa excepcional ou nominativo
Polo tanto, as propias actas plenarias desmontan as afirmacións nas que se escudan dende a Deputación Provincial de Lugo para xustificar unha política a través da que están a beneficiar asociacións afíns.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
