Foz, 29 de xaneiro de 2014. O alcalde de Foz, Javier Jorge Castiñeira, mantivo este martes a primeira toma de contacto con hostaleiros das rúas próximas á praia da Rapadoira para unificar a instalación de terrazas nesa zona, baixo a ordenanza aprobada en maio do ano pasado. O obxectivo é facer o mesmo que na praza Conde de Fontao, onde a experiencia foi moi positiva para dinamizar ese espazo. O rexedor saíu contento da xuntanza de onte porque os hostaleiros foron moi receptivos e confía en que as novas instalacións estean xa listas para a vindeira Semana Santa.
Javier Castiñeira explicou que o encontro foi con hostaleiros das rúas Illa Nova, Mariñeiro Chila e Rego de Foz, “onde se fixo o pasado verán unha actuación importante para humanizar aquela zona e aumentar o espazo destinado a terrazas”. Destacou que é un lugar “moi activo en canto a hostalería, sobre todo no verán, por estar moi ben localizado, xunto á praia da Rapadoira” e comentou que “esas áreas que quedaron habilitadas con bolardos para poder poñer terrazas deben instalarse todas co mesmo criterio, baixo a ordenanza que foi aprobada en maio do ano pasado. Estamos intentando poñelos a todos de acordo e coordinalos para facer un estilo unificado”.
O alcalde focense lembrou que “houbo un plan piloto moi interesante na zona do porto, que saíu moi ben e serviunos, aparte de para reorganizar o tráfico, tamén para facer a zona moito máis atractiva para a hostalería e o comercio. Na zona de Illa Nova queremos facer exactamente o mesmo: a primeira parte da obra está feita, que é a reorganización do tráfico que tamén funcionou moi ben, e agora o que queremos é anticiparnos antes da campaña de Semana e do verán para que todos os hostaleiros tomen tamén un mesmo criterio estético e funcional para converter esa zona, que ten un potencial enorme na hostalería e con moita xente residindo alí, nun lugar importante con boas terrazas e con zonas para transitar comodamente”.
Castiñeira engadiu que “estamos iniciando as reunións, que van ser continuas, e esperamos que isto remate en converter esa zona nun lugar activo cunhas terrazas cun único criterio estético, tratando de buscar que siga tendo a mesma actividade ou aínda moita máis. Quedamos moi contentos da reunión de onte porque foron moi receptivos os propios hostaleiros e acordamos facer unha seguinte xa para ir aclarando temas e tratar de avanzar antes de que chegue a Semana Santa, para ter as instalacións completas xa para a temporada alta de Foz, que empeza na Semana Santa e vai ata finais de setembro”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.