Lugo, 31 de decembro de 2013.- A voceira do Partido Popular na Deputación de Lugo, Elena Candia, matizou que o seu grupo reproba que a Deputación de Lugo se negue a apoiar iniciativas cun “loable” fin social e pola contra prefira adoptar decisións dende o punto de vista da xestión “difíciles de entender”
A popular fixo estas declaracións despois de que o PSOE e o BNG na administración lucense votasen en contra dunha proposta na que pedían que fose atendida a petición trasladada pola Asociación para a protección das persoas con discapacidade intelectual, Prodeme, relativa ao aproveitamento dos recursos dos que dispón a finca do Pazo de Tor .
A desatención amosada polo equipo de goberno da Deputación Provincial de Lugo a esta proposta é a “mostra clara da falta de sensibilidade do PSOE e do BNG” ante un proxecto que redundaría no ben social e cuxa aceptación suporía un beneficio económico-laboral para as persoas con discapacidade e a maiores evitaríaselle un custo económico á Deputación.
Proposta de Prodeme
Dende o ano 2008 existe un ofrecemento por parte de Prodeme no que amosa a súa disposición a manter e coidar a finca de Tor. En concreto, a asociación que presta servizos residenciais, de atención ocupacional e Centro Especial de Emprego a persoas con discapacidade; solicitoulle á Deputación aproveitar parte dos recursos dos que dispón a finca para incrementar as súas actividades ocupacionais agrícolas-gandeiras, asumindo deste xeito a súa limpeza e acondicionamento sen contraprestación algunha.
Pese a tratarse dunha proposta con fins sociais que permitiría a mellora da calidade de vida de persoas con discapacidade intelectual e a súa integración socio laboral; a Deputación desoíu de maneira reiterada esta petición e preferiu adxudicar o mantemento da finca a unha empresa privada por un importe anual superior aos 42.000 euros.
Diferenza de criterios
Os populares coñecedores deste contrato cunha empresa privada solicitaron que se atendese a demanda de Prodeme tan pronto lle fose posible á administración provincial tendo en conta o compromiso adquirido; co fin de que unha resposta positiva a Prodeme non supuxese un custe ás arcas provinciais.
Pese a este ofrecemento claro e aberto, dende o equipo de goberno negáronse a aprobar esta proposta baseándose en imposibilidades lexislativas cando noutras sesións plenarias se deron casos manifestos de apoio por parte do PSOE e do BNG a acordos verbais propostos por asociacións para a aprobación de convenios con fins semellantes.
Polo tanto, os populares denuncian a falta de sensibilidade do equipo de goberno para non darlle resposta a unha demanda que redundaría tanto no ben do colectivo de persoas con discapacidade, como na propia economía da Deputación.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
No evento participarán todas as seccións da escola, que amosarán o traballo desenvolvido ao longo do ano. A entidade adianta tamén que está a ultimar os preparativos da XL Feira do Bonito, da que ofrecerá máis información proximamente.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
