Dende o Grupo Municipal Socialista de Foz, en primeiro lugar, queremos desmentir que a día de hoxe exista ningún tipo de negociación ou contacto co goberno municipal do Partido Popular en relación á ubicación da futura EDAR, nos mostramos sorprendidos coas declaracións públicas do alcalde neste senso, pedíndolle que rectifique, que deixe de manipular a opinión pública e de mentir aos veciños. A este respecto, a voceira, Rosa Pérez Gradaílle, declara que: “Eu mesma lle comuniquei ao alcalde no nome do Grupo Socialista que non vai haber ningún tipo de pacto nin acordo previo entre ámbalas dúas forzas políticas, que todo canto se negocie terá que ser con luz e taquígrafos, nunha Xunta de Voceiros ou Comisión Informativa con tódolos grupos políticos da Corporación presentes”.
“É máis”, manifesta a voceira socialista, “temos serias dúbidas de que o alcalde de verdade pretenda aprobar a ubicación da nova EDAR no lugar de Forxán, despois da actitude que mantivo no último Pleno, no que, unha vez máis, a súa falla de talante democrático lle impediu aprobar dita proposta por non ser capaz de asumir ningún tipo de garantía en relación á futura instalación; polo que pensamos que o que quere é ir de vítima e manipular a opinión dos veciños”.
Os concelleiros do Grupo Socialista queremos deixar claro que dende sempre actuamos con coherencia e responsabilidade en relación á ubicación da nova EDAR, e que seguimos defendendo, tal e como o noso partido vén facendo dende fai sete anos, a ubicación na zona de Forxán, pero iso non significa que o noso Grupo lle vaia dar un cheque en branco ao Partido Popular nun asunto de tal relevancia, senón que esiximos unhas mínimas garantías en relación á futura instalación que, a día de hoxe, o alcalde non foi capaz de asumir, como que a futura EDAR conte con capacidade suficiente para asegurar o seu correcto funcionamento e que non vai causar molestias aos veciños da zona; que vaia soterrada co fin de minimizar o seu impacto visual; que conte cun emisario de lonxitude e envergadura suficiente para garantir que os vertidos non contaminarán as nosas costas; que exista un compromiso serio de que o Polígono Industrial de Fazouro vai a contar cunha depuradora propia, tal como esixe a lei, e os residuos que verta non vaian a rematar sendo tratados na EDAR de Forxán; que o barrio de Forxán se vexa beneficiado dalgún xeito no PXOM, por exemplo, prevéndose un espazo de esparcemento público ou zona verde; e, por último, que se dote unha partida orzamentaria para a construcción da nova EDAR, xa que, cando no ano 2007 o goberno municipal socialista intentara ubicar a depuradora neste mesmo emplazamento, contábase cun anteproxecto e unha partida orzamentaria de varios millóns de euros, algo que ao Partido Popular daquela non lle pareceu suficiente, polo que nos parece lamentable que tiveran que pasar sete anos para que este alcalde nos veña agora coa mesma proposta de ubicación pero sen ningún tipo de garantía respecto á futura instalación, e sen contar tampouco cun compromiso orzamentario da Xunta para a mesma, o que nos plantexa serias dúbidas de cal é a vontade política do Sr. Castiñeira en relación a este asunto, e nos fai pensar que unha vez máis é ir de vítima e distraer a atención dos veciños para ocultar a súa ineptitude e a súa nefasta xestión.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
