A Deputación comercializará 55.000 lotes de produtos autóctonos a través de hoteis, balnearios e paradores da provincia ó abeiro dun novo plan do Lug02, o programa financiado nun 80% pola Unión Europea. Así o avanzou este venres o Presidente, José Ramón Gómez Besteiro, nun acto no que estivo acompañado polo Presidente da Asociación de Hostaleiros de Lugo, José Francisco Real Castro, e representantes de establecementos deste sector.
Gómez Besteiro adiantou que a Xunta de Goberno de hoxe aprobou un convenio de colaboración para a posta á venda este mesmo mes dos primeiros lotes de produtos en 14 recoñecidos negocios hostaleiros da provincia. Posteriormente, o proxecto estenderase a máis negocios e produtos coas marcas de calidade da Deputación Lugo Sabe, que acadaron, de xeito gratuíto, 175 profesionais.
Os establecementos contarán con expositores de produtos, que incluirán o lema “E para comer Lugo”, e organizarán actividades de promoción en sinaladas datas como Semana Santa, San Froilán, Arde Lucus…, aproveitando a afluencia de visitantes. Nas súas páxinas web, haberá información sobre os produtos que comercializan, destacando todos os seus puntos de venda e incluíndo un enlace á 1º plataforma de comercio electrónico na provincia, www.losproductosdelugo.com, para a súa compra directa en Internet.
Con este novo proxecto, a Deputación contribúe á creación de sinerxias entre profesionais da provincia, co obxectivo mellorar a súa competitividade. Deste xeito, os produtores amplían o seu mercado, mentres os hostaleiros ofrecen un novo atractivo nos seus establecementos, incrementando ámbolos os seus beneficios.
Establecementos iniciais
Inicialmente, os establecementos hostaleiros que participan neste plan, cuxos representantes acompañaron hoxe ó Presidente, son os seguintes: Parador de Ribadeo; Parador de Vilalba; Parador de Monforte de Lemos; Hotel Spa Attica 21 Vilalba; Hotel Ego; Hotel O Val do Naseiro; Hotel Thalasso Cantábrico Las Sirenas; Hotel Coto Real; Hotel Balneario de Guitiriz; Hotel Balneario Augas Santas; Gran Hotel Lugo; Hotel Pazo de Orbán e Sangro; Hotel Santiago; e Hotel Jorge I. Os produtos que comercializarán serán, por exemplo, chourizos e salchichóns do Piornedo; oruxo branco, licor de café, licor de herbas e crema de oruxo de Becerreá; tortas e madalenas de améndoa de Guitiriz; tartas e amendoados de Mondoñedo; bolachas de castañas, crema de castaña e marmeladas do Folgoso de Courel; mel do Valadouro, entre outros.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
