O voceiro provincial socialista, Manuel Martínez, lamentou hoxe o que definiu como “a última excursión” da Conselleira de Traballo á provincia, “ratificando a discriminación da Xunta con Lugo”, posto que “alardeou de que sexan os Concellos do PP os beneficiados dos seus obradoiros de emprego”. Martínez destacou os exemplos de Burela, Cervo, Xove, Foz, O Vicedo, Ourol, Muras, Outeiro de Rei, Cospeito ou Vilalba.
A visita de Beatriz Mato a Lugo é especialmente inoportuna, porque tal e como subliñou o Deputado socialista, Lugo foi, xunto con Ourense, a “provincia galega na que maís se incrementou o paro no último mes, subindo nun 4% e superando a media en España”. Martínez fixo referencia ós case 28.800 lucenses no paro, -19.800 no ano 2009-, criticando que “a Xunta de Feijóo fora capaz de destruír 9.000 empregos en Lugo”.
Antes de dar conta dos asuntos aprobados na Xunta de Goberno deste venres, Martínez tamén quixo denunciar o retraso nas obras de Paradai, que a Xunta tiña previsto retomar hoxe, “malia non contar cos permisos que puido obter hai un ano”. O Deputado subliñou que este feito só pode deberse ben a que o Goberno de Núñez Feijóo “nunca se preocupou por estes traballos, polo que non sabía que tiña que pedir os permisos”, ou ben a “escusas de mal pagador da Xunta” para non executar estas obras, “demostrando o seu nulo interese por Lugo”.
Manuel Martínez lamentou que “as escusas de mal pagador” sexan “ó que estamos acostumados a escoitar á Xunta con Lugo”, mencionando exemplos como a falta de dotacións de servizos sanitarios básicos na provincia, como Hemodinámica 24 horas, Radioterapia ou Medicina Nuclear, o caso das Pallozas do Piornedo, do que se desentenden e “no que aínda que sexa a súa competencia queren que os arranxos os paguen outros” ou a dependencia, “que está sostida polos Concellos e pola propia Deputación”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
