O Consello da Xunta aprobou, na súa reunión deste xoves, o acordo polo que se declara a prevalencia da utilidade pública do proxecto do gasoduto de transporte básico da Mariña Lucense (Ribadeo-Viveiro) sobre a que cualifica varios montes veciñais en man común da provincia de Lugo. Tamén aprobou a prevalencia da utilidade pública do proxecto liña de media tensión derivada Remesar II e a da modificación do proxecto de construción da plataforma da liña de alta velocidade Madrid-Galicia, no tramo Miamán- Ponte Ambía.
O proxecto do gasoduto de transporte básico da Mariña Lucense -que conta cunha superficie total de afectación de 46.170,51 m2- permitirá unha mellora da subministración de gas natural na zona. En concreto, afecta os montes veciñais de Santa Cruz e Capela, pertencentes á Comunidade de Montes de Ove, en Ribadeo; Os Chaos, pertencente á Comunidade de Montes Piñeira, tamén en Ribadeo; Monte Real, Rañadoiro e Agudo, da comunidade de Montes de Cangas, en Foz; Monte O Castelo, Fontenlas, Lagares, Ribeira e Rozas Vellas, da Comunidade de Montes de Burela, en Burela; Monte Rañadoira, Pena Grande e Pico da Viola da comunidade de montes de Vilaestrofe, tamén en Burela, e Monte Costa e Pena do Castelo, da Comunidade de Montes de Lieiro, no concello de Cervo.
Por outra banda, o proxecto de liña de media tensión derivada Remesar II conta cunha superficie de afectación de 3.324 m2, correspondente ao monte veciñal en man común Agrolongo e Alto do Pico. Este monte pertence á Comunidade de Montes Veciñais en Man Común de Teilán, no concello de Bóveda, Lugo. Este proxecto permitirá unha mellora da subministración eléctrica na zona.
O outro proxecto do cal se aproba a prevalencia de utilidade pública é a modificación do proxecto de construción da plataforma da liña de alta velocidade Madrid-Galicia, no tramo Miamán-Ponte Ambía. Neste caso afecta unha superficie de 2.088 m2 do monte veciñal de Lampaza, Penagacha, Rosario, Ribeira Longa e Farria, pertencente á comunidade da parroquia de Ambía-Baños de Molgas, en Ourense. Este proxecto supón unha mellora nas comunicacións ferroviarias.
Á vista de toda a documentación dos expedientes, a Secretaría Xeral de Medio Rural e Montes da Consellería do Medio Rural e do Mar propuxo informar favorablemente destas prevalencias en virtude do artigo 6 do regulamento da Lei de montes veciñais en man común.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
