Continúa a semana intensa de regreso á competición. Despois do traballado triunfo ligueiro do sábado ante o Umacón Zaragoza (7-5), ao Burela FS Pescados Rubén espérao outra cita para seguir subindo chanzos na historia; mañá xogarase o billete para as semifinais da Copa do Rei coa visita a Vista Alegre do Ríos Renovables (20.30 horas). As bancadas laranxas contarán cun invitado de luxo, o seleccionador nacional, José Venancio López Hierro.
Os burelistas saltarán á pista para medirse a un rival que tamén pelexa no ecuador da táboa; ocupa a oitava praza, con 26 puntos, tres menos que o Burela FS. A única referencia da tempada é a da primeira volta de liga, con triunfo para os galegos (2-6).
Juanlu espera a un rival “nun bo momento de forma, que vén de realizar un gran partido na casa do Marfil Santa Coloma (6-6)”. “Seguro que virán tan motivados como chegamos nós. Ter a oportunidade de pelexar polo pase a semifinais dun título nacional non é algo habitual para clubs humildes coma os nosos” puntualizaba o técnico laranxa, agradecendo de antemán o apoio incondicional da afección mariñá.
Esta tarde, o cadro laranxa realizou o único adestramento da semana antes do partido de mañá para ultimar detalles da cita. Sen novidades no vestiario, nas filas mariñás só estará ausente Hugo, que segue cumprindo os prazos de recuperación da intervención de menisco.
Ata mañá ao mediodía, a venda anticipada de entradas estará dispoñible na sede do club (Arcadio Pardiñas, 91, baixo). A taquilla de Vista Alegre estará aberta desde as 19.30 horas.
PREZOS PARA SOCIOS
Adultos: 3 euros
Menores de 18 anos: 1 euro
PREZOS PARA NON SOCIOS
Adultos: 12 euros
Menores de 18 anos: 2 euros
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
