Cervo, 17 de febreiro de 2014- O Concello de Cervo deu hoxe a coñecer todos os actos previstos para conmemorar o Día da Muller Traballadora, que se celebra o día 8 de marzo pero que no municipio prolongaranse durante case dous meses. Nesta ocasión, ao igual que na anterior edición, o Concello conta coa colaboración das tres asociacións de mulleres: Alborada, Mulleres Rurais As Espalladoras e Mulleres de San Ciprián.
O programa xa arrincou a comezos de febreiro, cando se comezou a disputar o Campionato de Tute e Parchís no que participan unhas 40 mulleres e que se xoga na Casa do Mar. E esta semana, en concreto mañá, iniciarase o curso de defensa persoal, que se desenvolverá ata o día 27 de marzo, os martes e xoves a partir das 18:30 horas no Ecomuseo de Cervo. Esta iniciativa ponse en marcha de novo, despois de que rexistrase moito éxito de participación durante a conmemoración do Día en Contra da Violencia de Xénero.
O acto central será o 7 de marzo e incluirá numerosas actividades ao longo do día. A primeira comezará ás 18 horas (Casa do Mar), e consistirá nunha homenaxe á muller cervense; e continuará co Café Bombón e o concurso “A mellor amiga”, no que parellas de amigas terán que responder preguntas sobre a súa compañeira para saber quen coñece mellor a quen.
As iniciativas continuarán no auditorio da Casa da Cultura (20 horas) coa actuación do Grupo de Tai-Chi, organizado pola asociación Alborada, e a música do grupo Mar Aberto, que ás 20:30 horas ofrecerá “Cantos para mulleres”. Ás 22 horas dará comezo unha cea no restaurante Buenavista organizada pola asociación Mulleres de San Ciprián e na que tamén haberá sorteo de agasallos e a entrega de premios do campionato de Tute e Parchís. A xornada rematará co Gran Baile organizado pola asociación Mulleres Rurais As Espalladoras, a partir das 00:00 horas na Casa do Mar.
Dentro do mesmo programa, a delegación de Igualdade ofrecerá un curso de cociña, que estará impartido por Pilar Martínez, autora do blog http://www.lacocinadelechuza.com/ e veciña de San Ciprián. O curso desenvolverase entre os días 10 e 14 de marzo, ambos incluídos, na Casa do Mar. O Concello informará no seu momento da apertura do prazo de inscrición.
Ademais, convocarase un concurso de poesía en contra da discriminación, cuxas bases estarán dispoñibles a partir do 10 de marzo na Casa da Cultura e no Concello. A clausura do programa terá lugar o 28 de marzo, ás 18 horas, coa entrega de diplomas do curso de defensa persoal, unha merenda e a actuación do grupo de teatro O Bordelo, de Cervo, que ofrecerá a súa obra “A fonte dos soños”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
