Baixo o lema “Insubmisas e rebeldes na defensa do dereito ao aborto” a Asemblea de Mulleres de Galiza Nova, organización xuvenil do BNG, realiza este venres 7 de febreiro e sábado 8, 14 accións simbólicas nas que se enviará a través das oficinas de correos a esixencia das mozas galegas a Feijóo e Gallardón para que desistan nos seus ataques contra as mulleres. Xunto a estas denuncias, envíaselles utensilios que as mulleres teñen empregado para abortar poñendo a súa vida en risco e moitas morrendo en tempos nos que abortar era ilegal: agullas de calceta, pirixel… xunto a uns rosarios polo papel protagonista da Igrexa no ataque contra as mulleres. “Non queremos que este drama polo que pasaron as nosas nais, avoas… volva á realidade” afirma Lucía Veciño, responsábel nacional da Asemblea de Mulleres de Galiza Nova. Ademais, tamén se lles enviará a estes mandatarios un billete a Londres simbolizando o desprazamento a outros países para abortar ao non permitirse facelo no estado español.
Lucía Veciño afirma que “todo o noso esforzo está destinado a que a contrarreforma do aborto non vexa nunca a luz”. Veciño engade que “ante un recorte de dereitos sen precedentes, hai alternativa: a mobilización e a reivindicación”.
Veciño advirte a Feijóo que el tamén é culpábel, pois desde que chegou á Xunta aplica unha gran cantidade de medidas que impiden ás mulleres exercer o dereito á interrupción do embarazo poñendo trabas á aplicación do aborto na sanidade pública. A responsábel da Asemblea de Mulleres de Galiza Nova denuncia que “hoxe temos en Galiza moitos hospitais nos que non podemos exercer este dereito, como é o caso da Coruña ou Ourense. Ademais Feijóo está a recortar en planificación familiar, prazas de xinecoloxía e en servizos de atención á saúde sexual e reprodutiva das mulleres, así como no desmantelamento dos Centros Quérote e na batería de medidas que se implantaron desde o inicio da lexislatura coa chamada Lei de Familia e a financiación a organizacións antiabortistas como Red Madre”.
Galiza Nova da comarca da Mariña chama á mocidade galega a rebelarse fronte a imposición da maternidade ás mulleres e a participar dos envios destas esixencias.
Horas e lugares dos actos:
Venres 7 de febreiro ás 18:30h
Ribadeo- empresa de mensaxería Halcourier Avenida de Galiza, 8
Sábado 8 de febreiro ás 12
Viveiro: Avda. Ramón Canosa, 4 – 27850 – Viveiro
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
