A Mariña, 6 de febreiro de 2014. O BNG por medio do parlamentario por Lugo, Cosme Pombo, defendeu hoxe na Comisión de Infraestruturas do Parlamento Galego a habilitación de partidas orzamentarias para a execución dos proxectos previstos dende 2010 para a LU124, ademais de fixar un prazo máximo de inicio das obras de seis meses. Os nacionalistas lamentaron que unha vez mais, O Partido Popular e o parlamentario mariñao José Manuel Balseiro, volvan dar as costas aos concellos afectados polo penoso trazado desta estrada que tamén lles serve comunicación entre si, cun voto negativo que impide dar o mandato do Parlamento á Xunta para a execución dunhas obras que xa foran comprometidas cos alcaldes destes concellos no ano 2009.
O PP no Parlamento Galego da as costas á veciñanza dos catro concello pero tamén aos seus propios representantes que votaron a favor de reclamar as obras previstas na LU124
Cosme Pombo lembrou no debate desta iniciativa, presentada dende maio de 2013, “que no BNG fomos prudentes á espera de que o Conselleiro confirmara o seu compromiso incumprido aos gobernos municipais da Pontenova, Riotorto, A Pastoriza e Mondoñedo”, neste sentido insistiu en que “esta é unha iniciativa de todos os partidos con representación nos concellos afectados porque en varios deles aprobouse reclamar as obras por unanimidade” pero “parece que o Partido Popular vota unha cousa nuns sitios e outra diferente noutros”.
As emendas de Balseiro so buscaban eliminar as propostas do BNG para adquirir compromisos claros de execución das obras
O Parlamentario nacionalista fixo fincapé na vontade construtiva do BNG que incluso “aceptou ao PP a posibilidade de incorporar emendas de adicción á proposta inicial que o Sr. Balseiro non aceptou, xa que unicamente buscaba eliminar da proposta nacionalista o compromiso claro de fixar prazos para a execución das obras”. O BNG criticou que parlamentario Balseiro negara a posibilidade de chegar a un acordo unánime “obsesionado por dar fiabilidade cega aos novos compromisos dun Conselleiro de Infraestruturas que leva anos incumprindo as súas promesas e negándose dende xuño de 2013 a recibir aos alcaldes que reclaman o prometido”
A falta de previsión e o desinterese, ou o castigo da Xunta, obrigará a un dobre gasto primeiro en mantemento e despois na execución dos proxectos previstos
Dende o BNG agardan que a Consellería deixe de dilatar no tempo a execución dos proxectos previstos para a Lu124 e por suposto que de inmediato se fagan obras de mellora no estado do firme. Os nacionalistas indican que a falta de previsión da Consellaría e a despreocupación, non sabemos se o castigo, fan que a veciñanza dos concellos da Pastoriza, Riotorto, A Pontenova e Mondoñedo sigan sen ter compromisos firmes e claros da Xunta de Galiza para a LU124.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
