O Deputado de Xestión Territorial, Manuel Martínez, participou este venres en Santiago na reunión da Comisión de Seguridade Vial do Parlamento, na que instou novamente á Xunta a desbloquear o proceso de transferencias de titularidade de estradas entre ambas Administracións, que a Xunta mantén paralizado dende 2009, e a cumprir con outras obrigas pendentes, como a limpeza das marxes das estradas.
Martínez insistiu no tremendo esforzo económico e de medios que supón para a Deputación mellorar e conservar nas mellores condicións posibles, subliñando que “este bloqueo inxustificado tamén é unha discriminación ós lucenses que son, en último termo, os que teñen que asumir o elevado custe que supón manter os máis de 4.200 quilómetros de rede viaria provincial, a máis extensa de España, cunha media de tráfico de 300 vehículos diarios”. De feito, a Xunta conta con pouco máis de 1.000 quilómetros de estradas baixo a súa titularidade, malia contar cun orzamento 100 veces maior. Martínez destacou que esta paralización “é especialmente inxusta cos lucenses tendo en conta que este mesmo proceso, no caso do resto de provincias galegas, recibiu unha resposta positiva por parte do Executivo autonómico”.
Retirada de árbores das marxes
Do mesmo xeito, tamén insistiu na denuncia que a institución luguesa vén facendo dende hai tempo, relativa ó incumprimento por parte do Goberno de Feijóo da lexislación vixente en materia vial. Martínez lembrou as numerosas ocasións nas que, en calidade de Deputado de Xestión Territorial, requeriu por escrito á Xunta de Galicia e, en particular á Consellería de Medio Rural que “cumpran a Lei, talando as árbores situadas en zonas de arboredo baixo a súa xestión”, que non cumpren os criterios establecidos na Lei de Estradas de Galicia que, no seu artigo 35, obriga á Administración autonómica a manter limpa unha franxa de 7 metros das marxes das estradas. “Este incumprimento pon en perigo a seguridade dos usuarios das estradas provinciais, en primeiro lugar e, tendo en conta que o custe medio de cada saída para retirar unha árbore caída na estrada é de 350 euros, estas incidencias veñen supoñendo un custe anual medio de máis de 80.000 euros, que todos os lucenses estamos a pagar de máis todos os anos”.
Por outra banda, Manuel Martínez tamén informou de que a Deputación reclamará ó Ministerio de Fomento o acondicionamento das estradas provinciais no entronque da A-54, entre Palas e Guntín, que sufriron danos polas obras da autovía Lugo-Santiago.
21 millóns para 4.200 quilómetros
Manuel Martínez deu conta á Comisión de Seguridade Vial da inversión prevista polo organismo provincial para 2014 na mellora da rede viaria, un total de 21 millóns de euros para acometer un novo plan de actuación en todos os Concellos. Estes 21 millóns correspóndense co orzamento de 15 millóns de euros dun plan de mellora que empregará os medios do Parque Móbil para a súa execución -3 millóns de euros menos que de recurrir á contratación externa-, e outros 6 millóns do Plan de Conservación de Estradas 2014. Estas dúas actuacións compleméntase con outras xa realizadas polo organismo provincial, que multiplicou por 10 o número de quilómetros con aglomerado en quente; sinalizou toda a rede viaria tras décadas de abandono con máis de 3.400 sinais; e instalou 13.000 metros de barreiras de seguridade, dos cales máis de 4.700 son de protección específica para os motoristas.
O Deputado tamén explicou na Comisión o operativo de mantemento e invernal do organismo provincial, con máis de 50 máquinas e 100 operarios en alerta as 24 horas para manter en perfectas condicións a rede viaria provincial,
Outras medidas
Finalmente, Martínez lembrou as numerosas colaboracións en materia de prevención e seguridade vial con colectivos como asociacións de ciclistas, empresarios da madeira e outras industrias xeradoras de tráfico pesado. Outras medidas que xa aplica o organismo provincial para mellorar a seguridade vial son a colaboración cun proxecto pioneiro pensado para reducir a sinistralidade provocada pola fauna salvaxe, e a redución da velocidade máxima en núcleos rurais ata os 30 ou 50 quilómetros por hora dependendo das características do vial.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
