O Burela FS Pescados Rubén defenderá este sábado o seu recente liderado fronte ao seu arquirrival, Atlético de Madrid Navalcarnero. A escuadra mariñá saltará á pista de La Estación (18.00 horas) tan só unha semana logo de desbancar as locais do cume de Primeira División. Cun punto de vantaxe sobre as capitalinas, as laranxas (58 puntos) chegan ao partido da liga por excelencia co regreso de Maite, logo de case dous meses con problemas físicos; pola súa banda, o Navalcarnero afronta a gran batalla coa importante ausencia de Leti, sancionada cun partido de suspensión tras a expulsión fronte a UA Alicante.
Quico Otero non foxe da importancia do partido entre os dous primeiros clasificados da máxima categoría, aínda que prefire retirarlle o cartel de ‘encontro decisivo’: “É moi importante e pode proporcionarnos un reforzo tanto matemático coma moral, aínda que tamén somos conscientes de que aínda quedan por diante moitas xornadas complicadas, con rivais que se están xogando entrar en Copa, a permanencia…, e pode pasar de todo”.
Esta será a terceira vez na tempada que se vexan as caras dous equipos que se coñecen ben; na Supercopa repartíronse as vitorias, con 5-1 para Navalcarnero e 2-0 para as de Burela e na liga impuxéronse as madrileñas (1-2). “Será un partido aberto, con dous equipos con mesmo obxectivo, o dos tres puntos na busca do título, aínda que cun lixeiro matiz. Dende a posición actual, nós poderemos saír vivos aínda que o resultado non nos acompañe, unha situación privilexiada con respecto a hai algunhas semanas; non obstante, o Atlético, se non puntúa, pode quedar un tanto descolgado tanto na clasificación coma moralmente” reflexionaba Quico Otero.
“Aínda que disporán da importante ausencia de Leti, é un cadro longo, con calidade e competitivo; se non estamos ao cento por cento poden aproveitalo e facerse co encontro” advertía o adestrador, agradecendo de antemán o apoio da afección, xa que se prevé que o conxunto laranxa poderá contar con parte do alento de Vista Alegre e tamén doutros seareiros da comarca e do resto de Galicia residentes en terras madrileñas, unha pequena Marea Galega moi importante para os intereses naranjas. “Sempre axudan moito, algo que agradecemos enormemente sobre todo nos momentos de fraqueza; será un gran pulo recibir ánimos dende a bancada” concluía Quico Otero.
No resto do vestiario burelista, chegarán entre algodóns Lidia Mesías e Lara.
*Foto: A Caixa Escura Producións.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
