Ribadeo, 6 de marzo de 2014. O Concello e MAUmarela organizan un obradoiro creativo interxeracional Contos de pícar@s. Imaxinando o tren para nenos e nenas a partires de 8 anos, que se desenvolverá durante tres sábados ao longo deste mes de marzo e o luns, martes e mércores de semana santa.
A concelleira de Educación, Mariluz Álvarez Lastra, explicou que “se trata de conmemorar o aniversario do que foi o tren mineiro de Vilaodriz a Ribadeo. O 24 de maio fará cincuenta anos que deixou de funcionar. É un proxecto feito a través de Mau Marela, que o presentaron aos distintos concellos polos que pasaba este tren mineiro, como A Pontenova, San Tirso, Vegadeo e Ribadeo. Polos outros Concellos xa pasou esta actividade e agora tócalle a Ribadeo continuar ese percorrido e chegar ao final do traxecto”.
A edil nacionalista sinalou que “cando nos chegou esta proposta pareceunos moi interesante por todo o que supuxo de motor económico para Ribadeo, de comunicación entre as distintas aldeas e os distintos pobos, de medio de transporte das persoas, de relacións humanas e un recoñecemento a esa memoria histórica que perviviu entre nós e que grande parte do que somos hoxe depende do que fomos hai uns anos”.
Álvarez Lastra indicou que “o que queremos é que os nosos rapaces e rapazas teñan un coñecemento do que supuxo todo isto. O proxecto é ambicioso, trátase de adquirir este coñecemento e de compartir experiencias con esas persoas que viviron ou traballaron ou tiveron experiencias arredor do tren. Convidamos a todas as persoas da nosa vila, do noso concello, para participar neses talleres, así será moito máis enriquecedor todo este proxecto”.
O obradoiro desenvolverase os días 22 e 29 de marzo e 5 de abril (sábados) de 17 a 19 horas. E os días 14, 15 e 16 de abril de 10 a 14 horas. A cita inclúe excursións arredor da antiga vía do tren mineiro, charlas e xogos, fotografía, debuxo e pintura, escritura creativa e encadernación artesanal dun libro. As pícaras e os pícaros que acudan a este obradoiro serán parte dun proxecto expositivo e crearán un libro que será publicado pola Deputación de Lugo.
Os interesados en participar deben inscribirse na OMIX, na Casa da Xuventude. O número de prazas é limitado a 20. A concelleira de Educación manifestou que “nós puxemos como idade a partires dos 8 anos para intentar unificar criterios e que os traballos teñan un formato equitativo. Si hai nenos e nenas de menor idade que teñan inquedanza por ir que se apuntan, porque si quedan prazas baleiras podería baixarse o tramo de idade. Queríamos poñer unha marca e tentar aglutinar arredor dos 8 anos”.
O obradoiro é gratuíto, “é algo diferente do que se está a facer, é algo divertido e ademais os nenos e as nenas participantes levarán o seu material todo recollido, ao ter algo de seu sempre lles fai moita ilusión. E ao participar na exposición conxunta final de todos os Concellos será moi enriquecedor porque coñecerán a outros rapaces e rapazas e tamén as súas experiencias”.
Contos de pícar@s. Imaxinando o tren será impartido pola cooperativa de ensino MAUmarela. Guillermo Fernández subliñou que “o que se cruzará serán os encontros entre os nenos e os maiores, aqueles que si viviron o tren. Deles sae a materia para crear o libro xigante e tamén o que publicará a Deputación de Lugo e que recollerá todo o proceso deste obradoiro”.
Desde MAUmarela lembran que “os pícaros de cada concello imaxinan as diferentes partes da historia e contarana desde a súa estación ata a seguinte. Os de San Tirso de Abres retomaron a historia onde a acabaron os de A Pontenova, os de Abres (Vegadeo) onte remataron os de San Tirso e así ata chegar a Ribadeo, onde se elaborará o desenlace final da historia”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.