O Presidente da Deputación, José Ramón Gómez Besteiro, inaugurou este xoves na Capela de Santa María a mostra coral Estar en las nubes, que reúne traballos de 11 destacados artistas do panorama nacional. Tal e como indica o nome da exposición, a trintena de obras presentes, realizadas baixo diferentes técnicas, son unha aproximación ás nubes como motivo de inspiración.
No acto de inauguración, que contou coa presenza de Fátima Otero, comisaria da mostra, e dalgúns dos artistas presentes, Gómez Besteiro destacou que “esta Capela é moito máis que unha sala de arte”, lembrando que esa mesma sala vén de despedir a mostra Tear, Tecidos e tecelás, unha homenaxe ós artesáns deste oficio na provincia a través de 51 pezas -entre teares, instrumentos propios do oficio e traballos téxtiles-, que “foi visitada por preto de 800 persoas en pouco máis dun mes, o que amosa o feito de que esta Capela xa é un centro de referencia para os lucenses e visitantes interesados en coñecer o mellor da creatividade, calquera que sexa o seu vehículo de expresión”.
“Neste caso, 11 destacados artistas convídannos a admirar os ceos a través do filtro das súas olladas, empregando técnicas e astucias coas que tentan amosarnos o admirable da nosa condición de imaxinadores”, engadiu Besteiro. Finalmente, agradeceu o traballo dos artistas e o esforzo da comisaria por reunir obras, “tantas e de tanta calidade”, creadas por artistas que ó longo da súa traxectoria veñen empregando este motivo de inspiración de xeito recurrente e non encargadas para a ocasión.
Pola súa banda, a comisaria Fátima Otero destacou o prestixio dos artistas presentes na exposición e agradeceu o interese amosado polo Centro de Artesanía e Deseño por dar a coñecer as súas obras ós lucenses. No acto tivo un papel destacado a música, da man de Juan Carlos Martínez Fontana e María José Pámpano López, que estrearon a peza “A bruma que cubre os outeiros remotos do cabo de acolá”, 7 minutos e medio dunha orixinal combinación de violín e música electrónica, composta por Martínez Fontana especialmente para a ocasión. Os asistentes tamén puideron degustar nubes de algodón de azucre, coas que se agasallaou a todos os que se achegaron ata a Capela de Santa María.
Artistas
Os 11 artistas participantes empregan como medios de expresión a fotografía, a escultura, a pintura ou a videoinstalación para ofrecer a súa persoal ollada ós ceos: nubes como pedestais; nubes de tormenta; nubes ó xeito de pantasmas ou nubes que semellan aparellos mecánicos, reflectindo puntos de vista alternativos sobre un mesmo tema. Na exposición pódense admirar as fotografías de Sheila Pazos, nas que o ser humano domina a natureza; as nubes con formas animais de Din Matamoro; as nubes aterradoras de Ana Soler; as cheas de forza de Alina Granados; as nubes fantasmagóricas de Xurxo Gómez-Chao; as nubes cotiás de Jesús Otero-Yglesias; as dixitais do vallisoletano Eugenio Ampudia, Mellor Artista en ARCO 2008; as famosas rain tables da catalana Andere Monjo; as nubes futuristas do cántabro Ciuco Gutiérrez; as mecánicas de Moreno Carretero, ou a combinación de pintura e fotografía do zaragozano Carlos Maño, que suman ata 30 obras en Estar en las nubes.
Horarios da exposición
A exposición permancerá aberta ata o vindeiro 20 de abril na Capela de Santa María no seguinte horario: de luns a venres, de 10:30 a 14:00 e de 17:00 a 20:00 horas; sábados, de 17:00 a 20:00 horas e domingos de 11:00 a 14:00 horas. A entrada é totalmente gratuíta.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.