Cervo, 29 de marzo de 2014- O edil de Deportes, Luis Guillén, lamentou profundamente que o voceiro do grupo municipal do BNG, Xoán Antón Estúa, votase en contra de modernizar e mellorar o campo de fútbol municipal da Veiga. Guillén pregúntase “por que se empeña en evitar que a mocidade practique deporte en boas condicións sen depender de se chove ou vai sol, de se é verán ou inverno?”
Da mesma maneira, o edil considera que o voceiro nacionalista non é coherente coa liña de traballo do seu partido: “O BNG da Deputación, ao que o señor Estúa asesora, gastou 2,5 millóns de euros en reformar o pavillón de deportes de Ribadeo”. “Acaso está de acordo con mellorar as instalacións deportivas de Ribadeo e en contra de darlle aos veciños de Cervo un campo que permita xogar ao fútbol de forma intensiva?”, pregunta.
Da mesma maneira Guillén apoiou a actuación feita en Ribadeo, pero pídelle a Estúa “que sexa consecuente e se está a favor de gastar 2,5 millóns de euros nun pavillón dun concello que non é o seu, tamén debería estar a favor de investir 380.000 euros nunha instalación do seu concello”.
Durante o pleno, Estúa manifestouse en contra do campo de herba artificial de Cervo, mentres “a área de Deportes da Deputación financiou moitos campos de céspede sintético na Mariña”.
Para o edil, a postura do BNG de Cervo é incompresible. Guillén explica que “nos últimos anos estivemos facendo moitos traballos de mantemento no campo, que nos levaban a gastar continuamente e, aínda así, o campo nunca estaba en perfectas condicións”. “Vostede, como asesor do BNG na Deputación e polo tanto, da área de Deportes, debería saber que nunha zona húmida e con abundantes chuvias é case imposible manter un campo en condicións óptimas”. O novo campo permitirá polo tanto un importante aforro en custos de mantemento.
Guillén lembra tamén que os 380.000 euros que Cervo vai destinar a remodelar o campo de fútbol proveñen do remanente de tesourería, é dicir, dos cartos que sobraron doutros exercicios e que teñen que ver “cunha boa xestión económica e financeira nestes últimos anos”, engade.
Da mesma maneira, o edil lembra que “o Estado só permite aos concellos aproveitar os cartos do remanente de tesourería para investimentos que supoñan un aforro económico para o Concello. Uns investimentos que teñen que cumprir unha serie de requisitos. Polo tanto, estes cartos non se poden destinar a gasto social, nin a gasto corrente. Só a investimentos”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
