O Colectivo Cultural Os Tres Pes de Trabada organiza o seu segundo roteiro para o domingo 6 de abril. Desta volta transcorre pola ruta do Vento cun trazado pertencente maioritariamente ó concello de Trabada, pero que toca algo dos concellos de Lourenzá, Riotorto e A Pontenova.
O percorrido ten unha lonxitude de 12 quilómetros que discorren por pistas de escasa pendente e dificultade baixa que se pode completar en 3 horas e media.
Ademais da fascinante paisaxe, pódese gozar de impresionantes vistas panorámicas dende o alto do Cerrochan que conta con 776 metros de altura tamén visitaremos unha pequena lagoa que hai o carón do sendeiro e poderemos ver algún cabalo salvaxe pastando polo monte. Parte da ruta pasa polas fragas de Cabanela e Vilapena, unha das de máis beleza de Galicia na que poderemos contemplar un magnifico bosque autóctono de carballos, castiñeiros, freixos, acibros.
A saída está prevista para as dez da mañá dende a Praza do Concello de Trabada en vehículos ata o lugar de partida da camiñata. A participación é libre e gratuíta e non fai falta anotarse por adiantado. Si se desexa pódese levar algo para picar xa que a metade do percorrido faremos unha parada para recuperar forzas.
Os interesaods en obter máis información poden poñerse en contacto coa asociación no correo ostrespes@gmail.com.
O Colectivo Cultural decidiu organizar estes roteiros “para dar a coñecer os magníficos paisaxes e lugares cos que conta Trabada; así como para promocionar o noso patrimonio natural e histórico. O ano pasado fixemos o primeiro que transcorreu pola ruta da Fraga da Vilapena do que a xente quedou fascinada. Esperemos que a esta acuda moita xente porque non defraudará a ninguén”, aseguran.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
