O bo tempo fixo que o desfile de Entroido de Lourenzá fora un éxito de público

Lourenzá, 10 de marzo de 2014.  A concelleira de Cultura en Lourenzá, Lupe Flórez Seivane, destacou que o desfile de Entroido celebrado este domingo en Vilanova foi un éxito de público grazas ao bo tempo.

Ademais a edil pide “desculpas polos pequenos erros que puidesen terse producido e dos que a organización toma nota para intentar emendalos nas vindeiras edicións” e agradece publicamente “a colaboración das agrupacións de Protección Civil tanto de Lourenzá como doutras localidades, que de maneira voluntaria nos acompañaron nesta xornada.

Tamén queremos facer mención ó xurado, composto por membros das áreas de Cultura (concelleiros, técnicos de cultura e turismo, animadores socioculturais, etcétera) dos concellos de Abadín, Alfoz, Barreiros, Burela, Cervo, Foz, Lourenzá, Ourol e Xove, que garanten a obxectividade das decisións tomadas”.

Lupe Flórez tamén fixo público o agradecemento aos participantes no desfile e destacou que “viñeron de lugares moi diversos e entre os premiados houbo xente de Lourenzá, Barreiros, Foz, Ribadeo, Burela, San Cibrao, Valadouro, Alfoz, Pastoriza, Vilalba, Castro de Rei, Lugo, Vegadeo, Tapia, etcétera, sen os cales a xornada de festa non sería posible, xa que son os verdadeiros protagonistas do noso Entroido”.

E este é o listado dos premiados:

INFANTÍS:

Categoría INDIVIDUAL

Categoría PARELLAS

Categoría GRUPOS

ADULTOS:

Categoría INDIVIDUAL

Categoría PARELLAS

Categoría GRUPOS

Categoría CARROZAS

Categoría CHARANGAS

Categoría COMPARSAS

Premio especial O MÁIS CHISTOSO