José María Fernández sinala que no municipio hai un importante número de cazadores que colaboran ao control cinexético, “fundamental o desenvolvemento e facilitar o traballo diario de todas as explotacións agrogandeiras que hai en Trabada”
Trabada, 20 de maio de 2025. Os concelleiros do PP de Trabada pedirán no vindeiro pleno que o Concello habilite un espazo no municipio para que os cazadores poidan realizar as súas xuntanzas e coordinar todas as súas actividades.
O voceiro municipal, José María Fernández, recorda que en Trabada hai un importante número de cazadores que colaboran ao control cinexético no municipio, “fundamental para minimizar danos e facilitar o traballo diario ás numerosas explotacións agrogandeiras que hai asentadas no municipio”.
Neste senso, José María Fernández explica que unha posible localización para habilitar este punto de xuntanza para os cazadores podería ser ao carón do punto limpo municipal. “Alí hai espazo suficiente para colocar varios contenedores e dar así un lugar de reunión as cazadores”, explicou, ao que engadiu que “trátase dun punto que está afastado de núcleos de poboación e vivendas, polo que non habería molestia algunha para ninguén”.
Dende o PP de Trabada explican que son numerosos os concellos que teñen habilitados lugares coma este para que os cazadores poidan celebrar as súas xuntanzas e coordinar as súas actividades polo que “non sería nada complicado de levar adiante”.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
