O Burela FS Pescados Rubén B deu a sorpresa o sábado pasado na pista do segundo clasificado, Concello de Vigo IES Coruxo, impoñéndose por 2-4 e continuando o camiño cara aos postos altos de Terceira División.
Os pupilos de Lucas, que viaxaron con numerosas ausencias, ofreceron un excelente comezo no que conseguiron unha vantaxe no electrónico de 0-3, xa no minuto 11, con dobre diana no 4, de Bruno e Alemán, adornada coa terceira de Pancho. Non obstante, a retirada de Bruno, por lesión nun pé, provocou o afundimento da defensa laranxa, que non puido frear a verticalidade local, encaixando o 2-3 antes do descanso, con Alfonso (minuto 12) e Álex (minuto 19) como autores.
No transcurso do segundo período, aos burelistas tocoulles sufrir, con tan só un cambio de pista, pero lograron conter a presión dos vigueses e pechar o resultado cun novo tanto de Pancho, no 33.
O vindeiro sábado, Vista Alegre acollerá derbi comarcal coa visita do Pizzería A Fuga SD Xove FS (17.00 horas).
Ficha técnica
Concello de Vigo IES Coruxo: Daniel, Bruno, Jonathan, Mario e Andrés, no cinco inicial; tamén xogaron Álex, Alfonso e Álvarez
Burela FS Pescados Rubén B: Brais, Alemán, Keko, Bruno e Antón González, no cinco inicial; tamén xogaron Pancho, Aitor e Javi
Goles: 0-1, minuto 4, Bruno; 0-2, minuto 4, Alemán; 0-3, minuto 11, Pancho; 1-3, minuto 12, Alfonso; 2-3, minuto 19, Álex; 2-4, minuto 33, Pancho
Árbitros: Andrés García Freiría // Álvaro García Freiría (Vigo)
Tarxetas: Por Coruxo amarelas a Alexis e Mario. Por Burela FS, amarelas a Aitor, Pancho e Alemán.
FOTO: A Caixa Escura Producións
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
