Lugo 12 de marzo de 2014.- O Grupo Provincial do Partido Popular agarda que as actuacións que vén de anunciar este mércores o presidente da Deputación de Lugo, José Ramón Gómez Besteiro, para o arranxo das estradas provinciais respondan ás verdadeiras necesidades dos concellos.
Os populares explican que Besteiro estaba obrigado a cesar na súa xordeira e facerse eco das insistentes reivindicacións dos alcaldes da provincia, trasladadas en múltiples ocacións ante a administración provincial polos populares.
Dende o GPP consideran que este plan chega tarde; pero aínda así recíbeno con agrado e esixirán que se rexa polos principios de transparencia e non discriminación. Os populares trasladan esta afirmación ao dispoñer de datos que evidencian actuacións sobre estradas en base á cor política do concello, no lugar de guiarse por verdadeiros criterios de necesidade.
Numerosas peticións dos populares
Os populares dispoñen de datos que permiten asegurar que o actual goberno provincial é o que conserva en peor estado as redes viarias da historia da institución.
No último pleno celebrado o pasado mes de febreiro na Deputación de Lugo, os populares presentaron ata seis iniciativas nas que reivindicaron a adecuación de diferentes vias ao longo da provincia.
A maiores, os populares reivindicaron mediante unha moción a adecuación das estradas de titularidade provincial, co voto en contra do PSOE e do BNG, ás que se lle poden sumar outras diferentes iniciativas presentadas ao longo desta lexislatura para arranxar estradas en concellos como Ourol, Paradela, Palas de Rei, Foz, Alfoz ou mesmo Lourenzá, entre outros.
Dispoñibilidade orzamentaria
Aos populares sorpréndelles o mal estado que presenta a rede viaria provincial con baches, falta de tarefas de conservación e derrubes que incrementan a inseguridade dos automobilistas a través da rede viaria; cando o presidente da institución lucense manexou dende o ano 2007 máis de 122 millóns de euros tanto para novas infraestruturas, como para reparacións.
Esta circunstancia, polo tanto, non se debe á falta de orzamento; senón a mala xestión que do diñeiro público se está a levar a cabo dende a Deputación Provincial de Lugo.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
