Mondoñedo, 06 de marzo de 2014.- O Partido Popular de Mondoñedo resaltou este xoves que a Consellería do Medio Rural está a investir 269.000 euros no impulso da concentración parcelaria de Mondoñedo Norte.
En concreto, segundo explica a voceira dos populares locais, Elena Candia, esta importante achega económica vai dirixida á execución de camiños secundarios na zona de concentración que abarca ás parroquias de Vilamor, Masma e Coubueira.
Deste xeito, o Goberno galego encomendou esta xestión á empresa pública de servizos agrarios S.A. (Seaga), o que supón un novo avance para dar remate aos trámites necesarios no proceso.
Con esta implicación, a titular do departamento, Rosa Quintana, cumpre co compromiso expresado pola propia conselleira na visita que fixo a Mondoñedo para clausurar unha xornada sobre o sector forestal.
Marcado compromiso da Consellería
A este respecto, a popular quixo expresar o agradecemento cara a conselleira do Medio Rural e do Mar, quen está a recoller de bo grado as propostas e inquedanzas do Partido Popular de Mondoñedo.
Tanto é así que a Consellería tamén vén de formalizar o contrato para a delimitación das novas parcelas na concentración parcelaria de Sasdónigas, dando un importante e decisivo paso nun proceso que acumula máis de 45 anos de tramitación.
A voceira do Partido Popular lembra que se tivo que esperar a que un Goberno do PP chegase a rexer a Xunta de Galicia para que este proceso de Sasdónigas quedase desbloqueado, logo de superar as dificultades existentes, fundamentalmente relacionadas coa necesidade de dispor do preceptivo informe de impacto ambiental e de salvagardar o Camiño de Santiago, que discorre pola zona.
Co avance na parcelaria de Sasdónigas para a implantación dos novos predios resultantes e coa execución de camiños secundarios na concentración da zona norte; o Goberno galego está a reafirmar o seu compromiso cos dous procesos parcelarios que se están a efectuar no municipio e, en concreto, a aposta polo rural, co obxecto de combater a fragmentación histórica da terra que dificulta o desenvolvemento agrario.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
