Este venres 14 de marzo o alcalde do Valadouro, Edmundo Maseda, reuniuse cun nutrido número de representantes das empresas que operan no sector madeireiro, un total de 14 acudiron á cita, para abordar temas relacionados coa saca de madeira e a súa repercusión no mantemento das vías municipais.
Maseda amosou a súa preocupación polo sector, de gran importancia para o Concello do Valadouro, xa que segundo os propios operadores, no 2013 sacáronse preto de 100.000 toneladas de madeira, todo un record con respeto a anos anteriores.
Nun clima de cordialidade ambas partes amosaron interese por chegar a acordos que fagan posible a normal actividade das empresas e a conservación e mellora dos accesos ós montes dos veciños, sen que iso supoña un agravio para ningunha das partes.
Entre outros acordos dispúxose a inmediata actuación por parte das empresas para reparar os danos actuais, aproveitando a chegada do bo tempo, despois dun inverno moi duro.
O vindeiro 14 de abril reuniranse de novo para evaluar e facer un seguemento do nivel de actuacións realizadas. A partir de entón, reuniránse cada tres mess para facer un seguemento conxunto da evolución dos traballos programados, así como para traballar na mellora das infraestruturas necesarias para poder dispoñer dun sector ben artellado que o faga competitivo.
Ademais tratáronse temas coma a loita biolóxica contra as plagas da madeira, e o estudo de viais alternativos para evitar as pistas asfaltadas e os accesos a zonas habitadas, que serán posteriormente detallado nun mapa de rutas que estará a disposición de todos os operadores do sector.
Así mesmo, propúxose a implicación dos propietarios dos montes, asociacións de veciños, etc. que forman unha parte importantísima dentro do sector, de cara a calquer actuación ou decisión de futuro.
O alcalde amosou a súa satisfación polo bo discurrir da reunión, os acordos alcanzados nesta primeira xuntanza, o interese das empresas por atopar puntos de encontro e mecanismos de colaboración co Concello para o normal desenvolvemento da súa actividade.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
