Viveiro, 14 de marzo de 2014. O vicepresidente da Deputación de Lugo, o nacionalista Antonio Veiga, participou este venres na presentación do libro “O ciclo do pan e as súas construcións na Mariña de Lugo.
Eiras, cabozos, muíños e fornos”, unha obra do experto en xeografía e en xestión de Patrimonio Cultural, José María Leal Bóveda, que xa ten publicado outros traballos de investigación sobre o patrimonio galego, algúns deles centrados nas estruturas singulares como os hórreos e os muíños. O libro complétase cun poemario e historias de Paco Rivas, que tamén estivo presente no acto de presentación, xunto con Lino Rico, profesor do Conservatorio de Viveiro; e Carlos Nuevo Cal, presidente do Seminario de Estudos Terra de Viveiro.
O servizo de publicacións dependente da área de Cultura da Deputación de Lugo foi o encargado de editar este exemplar, obra na que José María Leal estuda en profundidade, e aportando numerosas fotografías e material gráfico, o proceso de elaboración do pan, o alimento básico das sociedades humanas, así como todas aquelas construcións que interveñen nese proceso posibilitando a separación do gran da palla, o almacenamento do cereal, a súa transformación en fariña, así como a súa conservación.
O obxecto de estudo enmárcase na Mariña Lucense e no concello coruñés de Mañón. Todos os datos vertidos no libro que se presenta foron extraídos de estudos e catálogos feitos durante anos tanto por particulares como por institucións públicas, inventarios, traballos de campo e bibliografías onde se estudaron as tipoloxías e características construtivas e de uso dos elementos arquitectónicos protagonistas nesta publicación.
Durante a súa intervención, Antonio Veiga recordou que “aínda que a maioría de eiras, cabozos, muíños e fornos a día de hoxe non funcionan como tal, conforman unha parte importantísima do noso patrimonio arquitectónico e histórico, xa que representan o traballo e a vida nas comunidades rurais”, e destacou “a importancia desta publicación en canto difunde entre a sociedade actual unha forma de vida que hoxe se descoñece, así como a importancia dun sector produtivo básico como o agro”.
Así mesmo, o vicepresidente da Deputación parabenizou “o labor que durante anos leva desenvolvendo o Seminario de Estudos Terra de Viveiro” e destacou “a importancia que adquiren este tipo de colectivos en canto contribúen a difundir o saber e tradición dos nosos antergos”.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
