Lugo, 9 de marzo de 2014.- O Servizo de Oftalmoloxía do hospital da Mariña, en colaboración con oftalmólogos do Hospital Arquitecto Marcide de Ferrol, centro que leva xa tempo desenvolvendo este programa con moi bos resultados, organizou para os vindeiros días obradoiros de retinografía para os profesionais de Atención Primaria dos centros de saúde de Burela e Viveiro.
O obxectivo destes obradoiros é formar ao maior número de profesionais posible para potenciar este tipo de consultas nestes centros sanitarios e aumentar o número de pacientes atendidos. Con esta iniciativa, o Servizo Galego de Saúde busca acercar a realización desta proba oftalmolóxica aos usuarios, mellorando, polo tanto, a atención que se lles presta.
Os cursos abordarán cuestións de anatomía e fisioloxía oftalmolóxica; as indicacións das retinografías, como realizalas, visualizalas e interpretalas, ao mesmo tempo que se lles darán indicacións para mellorar a coordinación entre os Servizos de Oftalmoloxía do hospital e Atención Primaria e sobre o funcionamento da teleconsulta de medicina en oftalmoloxía, entre outros aspectos.
Os centros de saúde de Burela e Viveiro foron, no seu momento, pioneiros na posta en marcha deste tipo de consultas de telemedicina oftalmolóxica. O que agora se pretende é aumentar o número de pacientes atendidos e estender este tipo de consultas ao maior número posible de usuarios (no caso do centro de saúde de Viveiro, aos pacientes de Viveiro, Vicedo e Ourol, e no caso do de Burela aos usuarios de Burela, Cervo, San Cibrao, Xove, Foz, Ferreira do Valadouro e Alfoz).
Este proxecto, baseado na telemedicina e na coordinación entre Atención Primaria e Atención Especializada, está liderado polo Servizo de Oftalmoloxía do Hospital da Mariña.
Ao longo das vindeiras semanas, o Servizo Galego de Saúde impulsará nestes dous centros de saúde o programa de retinografías en Atención Primaria, para o cribado, entre outras, das retinopatías diabéticas e hipertensivas por telemedicina. Ditos centros contan xa cos correspondentes retinógrafos para a realización das probas.
Respecto a retinografía
A retinografía é unha fotografía en cor da retina, e, entre outras moitas indicacións, realiza o cribado no caso da retinopatía diabética e da retinopatía hipertensiva, que é a afectación da retina a causa da diabete ou a hipertensión arterial, unha patoloxía ocular bastante habitual. Ademais desta alteración dos vasos sanguíneos que se soe presentar en pacientes diabéticos ou hipertensivos de longa duración, emprégase tamén para calquera outra patoloxía que poida afectar á vascularización da retina, como as tromboses arteriais ou venosas.
Os pacientes que resultan máis beneficiados coa posta en marcha deste programa son os que teñen patoloxías crónicas, como as mencionadas diabetes e hipertensión, que ademais, en gran parte dos casos están polimedicados, e precisan acudir con frecuencia aos servizos médicos. Estas imaxes tamén serven para diagnosticar precozmente, e valorar, descartar e identificar os problemas que pode xerar unha perda de visión.
Achegamento á poboación no seu propio centro
Ata hai pouco, esta proba tiña que realizarse só nas consultas externas de Oftalmoloxía hospitalarias, posto que os retinógrafos estaban só no ámbito da atención máis especializada. Agora os profesionais dos centros de saúde de Viveiro e Burela dispoñen de retinógrafos e poden realizar estas probas, e incrementar o volume de pacientes atendidos. Este tipo de consultas é posible gracias á colaboración entre o persoal de ambos centros de saúde e o persoal do servizo de Oftalmoloxía do Hospital da Costa.
Realizando esta proba dende a atención primaria evítanse as visitas ao oftalmólogo; achégase a atención ao lugar de residencia do paciente e aumentase o seu seguimento. Tamén traerán consigo unha diminución dos tempos de espera para a especialidade de Oftalmoloxía, posto que acudirán á consulta oftalmolóxica aqueles pacientes que realmente o requiran. Deste xeito, mellórase a asistencia, facilítase o control destas patoloxías, e evítanse complicacións, xa que poden ter un diagnóstico precoz e iniciar unha actuación terapéutica de xeito máis inmediato.
Procedemento en favor do usuario
O proceso de toma da imaxe é realizado polos enfermeiros e enfermeiras dos centros de saúde nos que se poderá levar a cabo esta proba. Estes profesionais remiten posteriormente a proba ao especialista en Medicina Familiar e Comunitaria que a solicitou, para a súa valoración inicial. No caso de que este facultativo detecte algunha indicación de patoloxía, esa mesma proba será remitida, vía dixital (telemedicina), ao oftalmólogo, que accederá dixitalmente a esa imaxe e será quen determine o tipo de consulta que precisa o paciente e a súa prioridade.
Polo tanto, a potenciación deste tipo de consultas supón unha mellora substancial na atención sanitaria, posto que ao paciente evítaselle a espera e dáselle prioridade segundo a súa patoloxía real, realizando a súa derivación ao especialista do seu centro hospitalario de referencia nos casos nos que sexa preciso. Ademais, permite diagnosticar de xeito máis precoz e fomenta a comunicación directa entre o especialista en Medicina Familiar e Comunitaria e o especialista en Oftalmoloxía.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
