A Vicepresidenta Segunda, Lara Méndez, acompañada polo Alcalde do Concello de Riotorto, Federico Gutiérrez Estoa, e o 2º Tenente de Alcalde, José García Freije, supervisou este martes o desenvolvemento dos traballos de implantación do Plan Enerxético Provincial neste Concello. Logo de que os técnicos provinciais revisaran a Casa Consistorial, o Centro Sociocultural e o alumeado público da localidade, estes realizaron unha auditoría técnica que aconsellaba a instalación de elementos de aforro enerxético, traballos estes que agora rematan.
Coa implantación deste Plan Enerxético, o Concello poderá reducir os seus gastos correntes durante este ano en 41.000 euros, xa que ós 10.000 euros do prezo de mercado das auditorías realizadas de xeito gratuíto polos técnicos da Axencia Provincial da Enerxía, hai que sumar os 26.263 que a Deputación destinou á compra do novo equipamento enerxético e os 4.800 euros que se reducirán na factura anual da luz do Concello.
Durante a visita, na que tamén estiveron os técnicos provinciais para comprobar as actuacións realizadas ó abeiro deste programa, Méndez destacou que á redución dos gastos para as arcas municipais, hai que sumar “o beneficio medioambiental, xa que tamén supón unha redución de 6,4 toneladas de CO2 ó ano, equivalente á plantación de 320 árbores, ó consumo de 26 barrís de petróleo ou ó gasto eléctrico anual de 5 familias do Concello”. A Vicepresidenta destacou que os gastos en electricidade poden supoñer ata o 90% da factura enerxética dun Concello e o 15% do seu orzamento total.
Tras realizar a auditoría previa, os técnicos provinciais aconsellaron a instalación de 273 novos compoñentes -57 na Casa Consistorial; 41 no Centro Sociocultural e 175 no alumeado público-, entre lámpadas de baixo consumo; válvulas termostáticas; termostatos programadores inhalámbricos, descargadores de sobretensión ou reloxos astronómicos.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
