A programación do circuíto Cultura no Camiño na provincia de Lugo abre este xoves a súa programación de maio na provincia de Lugo cunha actuación de música coral en Monterroso.
Esta actuación serve de apertura para unha carteleira que durante o presente mes inclúe dez espectáculos que se levarán a cabo en sete concellos do territorio lucense: A Fonsagrada, Barreiros, Quiroga, Palas, Sober e Trabada, ademais do devandito municipio monterrosino.
Así mesmo, compre destacar que preto da metade das actuacións van dirixidas directamente ao público máis novo, para o que están previstas catro obras de teatro infantil. Precisamente o teatro, a maxia e a música concentran as propostas para o presente mes no conxunto da provincia.
O programa deste mes de Cultura no Camiño, impulsado pola Consellería de Cultura, Educación e Ordenación Universitaria e Turismo de Galicia, arranca mañá na localidade monterrosina coa actuación do Coro da ra. Este grupo, con máis de vinte anos de experiencia, achegará mañá (11.30 horas) ao Espazo Cultural Lorenzo Varela as súas composicións, coas que, a través da música vogal, atrévense con distintos estilos musicais.
O mesmo espazo escénico de Monterroso será o que o venres día 9 (17.30 horas) continúe coa programación destas propostas escénicas de Cultura no Camiño, un programa que se enmarca na conmemoración do VIII Centenario da Peregrinación de San Francisco de Asís a Compostela. Nesa xornada, a obra de teatro infantil Xan Perillán compra queixo compra pan será interpretada por Os monicreques de Kukas.
Esa mesma tarde, Sober acollerá a única actuación prevista no concello dentro deste circuíto. O grupo Hermanager Producións levará a escena a obra de teatro infantil Kiricreques na Biblioteca Municipal a partir das 18.00 horas do devandito día 9.
Tres actuacións na comarca da Mariña
O domingo día 11, o Centro Sociocultural Manuel Díaz Sampedro de Barreiros será o marco para a primeira das tres actuacións dispostas este mes na comarca da Mariña. A partir das 19.00 horas, Acontrabutaca Produccións interpretará a peza teatral Dous son parella… e o demais son calumnias.
Trabada tomará o relevo de Barreiros o día 16. Na mañá (10.00 horas) desa xornada, o CEIP Celso Currás é o marco escollido para seguir as evolucións da compañía A Illa dos nenos, que presentará na localidade a obra de teatro infantil A maxia dos soños. Na tarde do día 17, o grupo Creacións Máxicas Lirolai pechará o programa previsto para A Mariña co espectáculo de maxia Onde está o Mago Antón?, que terá como escenario a Casa da Cultura de Trabada, a partir das oito da tarde.
Dobre sesión os día 24 e 30
O día 24 será un día con actividade por duplicado a través de Cultura no Camiño. A Fonsagrada e Palas recibirán senllas obras de teatro. A partir das seis da tarde está previsto que se alce o pano do Salón de actos fonsagradino para disfrutar de O libro máxico, unha obra de teatro infantil que será levada a escena por Migallas Teatro. Dúas horas máis tarde está previsto que comece na Praza do Concello de Palas a obra de teatro Como cho conto, de Hermanager Produccións.
Para abrochar a carteleira de maio de Cultura no Camiño, o día 30 será tamén de dobre proposta escénica na provincia lucense. O Espazo Cultural Lorenzo Varela de Monterroso acollerá a terceira actuación prevista na localidade este mes. Neste caso, será unha actuación protagonizada polo Mago Rafa. O afamado ilusionista presentará na Ulloa o seu espectáculo ReilusionArte, co que, a través dos trucos e as súas mensaxes pretende devolver aos maiores a ilusión de cando eran nenos.
Por último, o Auditorio Municipal de Quiroga acolle o mesmo día 30 (20.00 horas), a derradeira das actuacións do mes de maio. O espectáculo Onde está o Mago Antón?, de Creacións Máxicas Lirolai será a que poña o peche ao programa de Cultura no Camiño para o mes que entra.
Colaboración privada
Coordinado por Cultura e Educación, a través da Axencia Galega das Industrias Culturais (Agadic) e en colaboración con Turismo de Galicia, Cultura no Camiño 2014 conta tamén co patrocinio de Gadis. Esta segunda edición incrementa nun terzo o número de municipios lucenses participantes respecto da súa anterior edición celebrada no ano 2013.
O programa supón, en consecuencia, a vertebración dun novo e extenso circuíto de distribución de producións escénicas e musicais galegas a través de concellos situados nas diferentes rutas xacobeas, que na provincia de Lugo vense representadas con catro vías: Camiño Francés, Camiño de Inverno, Camiño Primitivo e Camiño do Norte.
A programación actualizada pode consultarse na sección de axenda da páxina web da Agadic: http://www.agadic.info/Axenda.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
