Ribadeo, 15 de abril de 2014. O Concello ultima os preparativos do concurso gastronómico Ribadeo de tapeo, que terá lugar do 10 ao 18 de maio e no que participarán medio centenar de bares, mesóns e restaurantes. O vindeiro luns, 21 de abril, estará en Ribadeo o coñecido chef laurentino Iago Castrillón. Esta edición inclúe coma novidades a tapa de Ribadeo e actividades nas Catedrais, segundo contaba este martes o alcalde, Fernando Suárez.
O rexedor dixo que “continuamos cos preparativos previos a este evento tan importante que celebramos desde hai varios anos e que é tan recoñecido a nivel comarcal e practicamente a nivel galego como é o Ribadeo de tapeo. Este ano será do 10 ao 18 de maio. Xa se pechou o prazo de presentación de solicitudes e hai un total de 47 establecementos, algúns novos, outros repiten, hai diversidade de locais, tanto da vila coma, en menor medida, das parroquias”.
Suárez Barcia subliñou que “será un evento que traia moita xente a Ribadeo e moitas vendas ao sector da hostalería participante. Cada ano temos innovacións, que o que perseguen é mellorar o obxectivo deste encontro e o que queremos, sen cuestionar a profesionalidade de ninguén, é levar adiante varias iniciativas. Para mellorar o consumo e o referente neste concurso gastronómico imos traer un cociñeiro revelación do Madrid Fusión. Trátase de Iago Castrillón, que o luns, 21 de abril, estará a disposición dos participantes no Ribadeo de tapeo para darlles as recomendacións aos que así o desexen para mellorar a calidade da súa tapa, para mellorar en definitiva a calidade do concurso, que é o obxectivo que se persegue, sen tachar o bo facer de todos eles, pero de boa fe poder darlles a opinión dunha persoa moi cualificada e recoñecida no ámbito estatal”.
O alcalde ribadense aludiu ás novidades desta nova edición do Ribadeo de tapeo: “como novidades este ano incorporamos a tapa de Ribadeo, xunto cos outros premios xa habituais, que será aquela que se elabore exclusivamente con produtos da comarca. E tamén continuamos coa iniciativa de vincular o sector da hostalería co sector hoteleiro cos Soños gastronómicos e ao mesmo tempo queremos aunar a riqueza gastronómica que temos, e moi boa, coa riqueza natural, que tamén temos e moi boa, no sentido de desenvolver actividades inéditas nas Catedrais, como rutas xeolóxicas interpretadas no marco deste Ribadeo de tapeo ao que se sumará como este último ano unha aplicación para móbiles, tanto na plataforma Android como na plataforma IOS para que de maneira actualizada os que acudan a Ribadeo poidan saber que establecementos participan nesta cita, cal é a tapa, cal é o seu prezo, ademais de ver a foto, onde está emprazado o local… ter tantos reclamos que sexa imposible non vir a Ribadeo do 10 ao 18 de maio”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
