Emocionante a penúltima xornada da Liga Nacional de Billarda na conferencia NorLeste que se celebrou no pavillón deportivo de Bretoña o sábado 12 de abril.
Estaba previsto xogar no campo de futbol, pero atrancos de última hora e o frio nordés que nos acompañou na tarde fixeron que se optara polo pavillón co que a xornada foi moi dinámica e rápida e como normalmente acontece en pistas rápidas, abondaros os tiros directos. Convertéronse un total de 27 varados, a segunda marca da tempada pero ainda lonxe dos 36 acadados en Meira na xornada numero sete.
O campión da xornada foi Franco con 9 puntos sobre 10. Houbo desempate para o segundo e terceiro postos a tres carreiras entre Daniel, Juan, Coedo, Corton, Lucía e Richar, segundo foi Suso Coedo e terceiro Cortón.
Os agasallos nesta ocasión para os tres primeiros e o equipo gañador, foron uns artísticos chocolates saídos das artesáns mans do tamén palanador Hervi acompañadas dun tarro das míticas “freces” que finalmente fixeron aparición e puideron probar in situ.
Xa temos equipo campión: os “Billardeiros Musicais” de Ribadeo convértense a falta da xornada de Remourelle nos gañadores da tempada 2013.14.
A baixa por enfermedade dun dos seus primeiros espadas, o bicampión nacional Markytos, non so non mermou o rendimento do equipo senón que lle deu folgos e novos brios para gañar nas derradeiras dúas xornadas, tanto en equipos como en individuais e poder adicarlle o triunfo ao seu compañeiro, ao tempo que consolidaban o liderazgo amosado perante toda a tempada.
O segundo equipo que representará a conferencia NorLeste nas finais de Marrozos do 25 de maio, serán os “Carabullo de Teixo” de A Terra Cha-Muimenta, dado que os “Troitas Bravas” de A Pontenova encontránse na terceira posición a insalvable distancia (salvo catástrofe total dos primeiros) de 28 puntos.
En individuais houbo poucas variación na xornada, os primeiros clasificados aguantaron o tipo e manteñen posición cara a derradeira xornada. Será Remourelle quen dicte sentencia e proclame os campións individualis da liga tanto masculinos como en donas.
Ainda que en principio parten como favoritos Daniel e Geni, ó primeiro ten como perseguidores a Juan e Coedo (a 3 e 4 puntos respectivamente) e Geni manten ventaxe de 4 puntos sobre Reyes. A distancia pode ser suficiente pero non insalvable polo que deberán filar fino e non cometer erros que os poidan privar do campionato.
En varados a cousa non está tampouco clara. Salvo catástrofe Santi, Daniel e Regueiro están clasificados, faltan dúas plazas mais polas que poderán loitar ata dez palanadores ou mais. A pista de Remourelle tamén é propicia para esta xogada sempre que o tempo axude un pouco e o vento non non faga una mala pasada.
Antes de finalizar a liga, o vindeiro sábado 26 de abril, temos o xa tradicional viaxe a Xil (Meaño) na disputa do Xerro do Salnés. A mañan faremos una reunión con xente das outras conferencias para pechar definitivamente a participación nas finais de Marrozos e a continuación a ruta dos furanchos previa o abertiño da tarde. Haberá autobús para o traslado que sairá de Ribadeo as 08:00 da mañan. Confirmade a viaxe o antes posible.
As clasificacións quedan deste xeito:
Individual: Daniel 78 p., Juan 75 p., Coedo 74 p, Charli e Regueiro 72 p.
Equipos: Billardeiros Musicais 338 p., Carabullos de Teixo 283 p. e Troitas Bravas 255 p.
Varados: Santi 12, Daniel 11, Regueiro 8, Charli, Pepe e Richar 5.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
