ADEGA denunciou en 2012 a expedición masiva (previo pago) de licenzas de caza sen que os titulares pasaran os preceitivos trámites. Estaban implicados funcionarios de Cons. da Natureza na Coruña e custou a “baixa” a García Borregón, ex-director xeral.
Os feitos postos de manifesto en 2012 pola Fiscalía Ambiental do TSXG a denuncia de ADEGA e instruidos polo xulgado nº 3 da Coruña, consistían na masiva concesión de licenzas de caza ilegais por parte do Servizo de Conservacion da Natureza da Coruña.
Estas licenzas déronse presuntamente ao marxe da lei, sen que os “beneficiarios” realizaran o preceitivo exame do cazador, e pagando en compensación unha “mordida” aos conseguidores da administración.
ADEGA esixíu no seu momento o cese o xefe do Servizo de Conservación na Coruña Carlos Muñoz Martínez, e do daquela Director Xeral de Conservación da Natureza García-Borregón, ao parecer titulares tamén de licenzas. Ou non coñecían os graves feitos acontecidos durante anos baixo o seu nariz, ou sabían destas prácticas corruptas e as promoveron ou toleraron.
Hai uns meses a Xunta cesou discretamente (demisión por motivos persoais) a García-Borregón tamén implicado no caso dos masacres de lobos no Barbanza. Tentou tamén dar un perfil baixo ao escándalo e cinguilo á vía administrativa, anulando paseniñamente as licenzas ilegais previa consulta ao Consello Consultivo.
O resultado foi unha auténtica avalancha de peticións de licenzas neste 2014 (e de matrículas para o exame do cazador) que antes era posíbel conseguir pola vía rápida pagando entre 120 e 150€.
Gravísimas implicacións penais aínda non resoltas
Á marxe das responsabilidades político-administrativas, ADEGA denunciou tamén a esistencia de implicacións penais:
Presunta prevaricación, trato de favor, suborno, malversación de caudais públicos, falsidade documental… Alén dun presunto delicto ambiental por canto a práctica da caza en situación ilegal pode ter graves consecuencias para a conservación dos recursos naturais, e tamén presuntos delictos contra a seguridade pública por canto a tenza de licenzas de caza ilegais permite tramitar (e obter) diante da Garda Civil, permisos para portar armas de fogo.
ADEGA persoouse no procedemento aberto pola Fiscalía para coñecer tamén, entre outros estremos:
-Quenes foron os políticos responsábeis de permitir, por acción ou omisión, semellante comportamento corrupto? Era coñecedor o Conselleiro Sr. Hernández destas prácticas? A Dirección Xeral de Conservacion da Natureza nunca detectou que se estaban emitindo licenzas de caza sen pasar o exame do cazador nen pagar as correspondentes taxas? -Cal é o montante do desfalco para as arcas públicas que supuxo non pagar ducias de licenzas durante anos?
-Que implicacións tivo para a conservación das especies faunísticas o feito de que ducias de cazadores estiveran pegando tiros no monte sen acreditar saber como e que poden cazar?
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
