Lourenzá, 11 de xuño de 2014. A asociación de sendeirismo Terras de Lourenzá organiza unha ruta a pé denominada Pena do Castelo dentro das actividades da xornada Todos cara a Tovar, que se celebrará o día 29 deste mes.
O presidente do colectivo Terras de Lourenzá, Miguel Gavín, explicou hoxe que “esta foi unha idea que xurdiu a raíz de que o Pazo de Tovar fora rehabilitado e aberto ao público pensando en que as asociacións do concello se xuntaran para facer unha xornada alí de promoción e divulgación do noso patrimonio. Esa foi a idea inicial e despois apuntáronse unha serie de asociacións e saíu un día de convivencia. Cada asociación aporta o que é a súa razón de ser e neste caso facemos unha ruta de sendeirismo, que parte e volve alí”.
Miguel Gavín engadiu que se fai esta ruta porque “a Pena do Castelo é unha zona na parte alta da parroquia de San Adriano onde houbo unha mina de ferro hai xa moitos anos e onde parece ser que sobre esa pena, que é grande como a proa dun barco, houbo unha fortificación nalgún momento. E iso está recollido por historiadores, que manteñen que aló houbo unha fortificación e incluso que debaixo daqueles escombros e maleza hai algún resto e vestixio dela. Iso está recollido nun libro que se fixo sobre o Pazo de Tovar, xurdiu nunha reunión que isto podía integrarse e así vai ser. A aproximación á ruta vámola facer en autobús porque senón sería moi longo e non cumpriríamos os horarios previstos para estar alí a mediodía. Sairemos de Ferreira de Oural, que é a parte alta, a onde dá esa zona de San Adriano que colinda xa con Mondoñedo. Á altura desa pena haberá unha pequena información para todos os que vaian sobre o que había alí e despois empezaremos a andar. Son aproximadamente 8 quilómetros e baixaremos por San Adriano, Vilar, Rodeiro, As Pantigueiras, Redondelo, O Castro, ata a igrexa de San Adriano e dende alí cara ao castelo de Tovar outra vez. A ruta é costa abaixo e fácil”.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
