Burela, 21 de xuño de 2014. O alcalde, José Mª González Barcia, manterá o vindeiro mércores unha xuntanza co xerente da Axencia Galega de Servizos Sociais. No encontro, que xa estaba previsto desde hai tempo, estudarán co arquitecto redactor do proxecto da nova gardería as súas características. Dito proxecto podería ser entregado a principios de xullo e a partir de aí o Concello xa lle podería conceder a licenza de obra.
O rexedor explicou que “o xoves publicouse no Diario Oficial de Galicia o anuncio de exposición pública do acordo adoptado polo pleno do Concello en relación coa aceptación da oferta feita polos propietarios para a adquisición do solar para a nova escola infantil municipal. O trámite seguido foi o de expropiación con xustiprezo, a oferta presentada polo propietario foi moi vantaxosa economicamente para o Concello e polo tanto, cumprindo a lei, exponse ao público durante 20 días hábiles”. González Barcia sinalou que “ao finalizar ese prazo procederemos á firma cos propietarios da acta de ocupación do solar e ao mesmo tempo levaremos a cabo os trámites administrativos para efectuar o pago do importe aos propietarios do solar. A partir dese momento o Concello xa será propietario de pleno dereito do solar da nova escola infantil e será cando se entregue o terreo á Xunta de Galicia para comezar a construción desa nova dotación de carácter educativo e social”.
O alcalde burelés anunciou que “o próximo mércores, aproveitando unha reunión que xa estaba prevista co xerente da Axencia Galega de Servizos Sociais, estudaremos co arquitecto redactor do proxecto as súas características porque podería ser entregado no Concello a principios do próximo mes de xullo. E a partir de aí xa poderíamos conceder a correspondente licenza de obra”.
José Mª González Barcia considera que “vamos dando pasos pouco a pouco para a consecución dun servizo que nosoutros consideramos fundamental, tanto dende o punto de vista social como do educativo, pero tamén para asentar poboación en Burela, axudar á creación de emprego e polo tanto mellorar as condicións de vida dos cidadáns e ao mesmo tempo axudar a que o tecido socioeconómico do noso concello siga medrando e avanzando”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
