Cervo, 12 de xuño de 2014- As rúas e os locais de hostalería de San Cibrao encheranse de música e baile tradicional o 28 de xuño dende a mañá ata a noite. Será na Foliada Nordestía, que inclúe numerosas actividades ao redor da música folk e popular galega.
Un evento que organiza a Asociación Cultural Clan-Gaiteiros de San Ciprián coa colaboración do Concello de Cervo. Ambos deron hoxe a coñecer o cartel e o programa nun acto no que estiveron presentes o alcalde de Cervo, Alfonso Villares, a edil de Cultura, Begoña Alonso, e os membros da asociación Clan Jacobo Pernas, Ricardo García e Marcelino Bermúdez.
Nordestía arrincará ás 12 horas co Canto-tocareta de Taberna, no que case unha decena de grupos percorrerán os bares e restaurantes amenizando os locais con temas tradicionais. De forma paralela, os establecementos deseñarán tapas especiais que se servirán durante toda a xornada. Uns pratos que participarán no concurso “Tapa Nordestía” e no que haberá premios para as mellores, que se entregarán ás 15:30 horas xunto cos premios ao mellor grupo do “Canto-tocareta de Taberna”.
A festa continuará pola tarde, a partir das 21 horas, coa Foliada na Praza dos Campos, na que participarán un total de 7 agrupacións chegadas de diferentes puntos da Mariña, da Terra Chá, Terras de Melide, A Coruña e Quiroga. Neste sentido, a organización xa ten pechados os grupos pero fai un chamamento a todos os bailadores que queiran participar e facer máis vistoso o espectáculo, e que recibirán uns detalles por parte da organización.
A Foliada rematará coas actuacións do grupo local Clan Maragato e de Ce Orquestra Pantasma. A edil de Cultura destacou o “papel dinamizador de la hostelería y la economía local de este evento, ya que el ambiente festivo que se creará durante todo el día atraerá a numeroso público. Además, está garantizada la asistencia de agrupaciones de diferentes puntos de Galicia que harán vida en el pueblo durante la jornada”.
Pola súa banda, dende a asociación Clan, Jacobo Pernas resaltou tamén o obxectivo da asociación de “recuperar a tradición de festivais e foliadas baseadas na música popular como forma de exaltar a cultura galega e, ao mesmo tempo, apoiar aos locais de San Ciprián”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
