Burela, 24 de xullo de 2014. A conselleira do Mar, Rosa Quintana, será a pregoeira da XXX Feira do Bonito que terá lugar en Burela o vindeiro 2 de agosto. Esta festa e a décimo segunda edición de Produart foron presentadas este mediodía no barco museo Reina del Carmen.
O alcalde, José Mª González Barcia, dixo que “chegamos ao primeiro fin de semana do mes de agosto, que desde hai anos se ten configurado como un referente no panorama turístico e cultural de Burela, do conxunto da Mariña e de boa parte da provincia de Lugo. Como ven sendo habitual desde hai 12 anos van coincidir unha nova edición da feira de produtos artesanais e ecolóxicos Produart, que organiza a Fundación Expomar, xunto coa trixésima edición da Feira do Bonito, que organiza a Sociedade Cultural Ledicia, festa que está declarada de interese turístico galego”.
O rexedor indicou que “Produart vai estar aberta os días 1, 2 e 3 de agosto no recinto da nave de redes e chega practicamente repetindo o mesmo número de expositores que o ano pasado, incluso con maior diversidade que nas anteriores edicións, presentando gran variedade de produtos que van desde alimentos perecedoiros ata produtos manufacturados”.
E engadiu que “pola súa parte a festa do bonito chega á súa trixésima edición con cambios importantes dentro da súa organización: as actividades pasan a ser fundamentalmente a mediodía e a primeira hora da tarde e este ano vamos ter a honra de contar cunha pregoeira de gran entidade, porque coincidindo precisamente coa trixésima edición propúxoselle á conselleira do Medio Rural e do Mar, Rosa Quintana Carballo, ser a pregoeira da festa do bonito, un evento emblemático dentro do panorama gastronómico, turístico e cultural da nosa comunidade autónoma e un punto de referencia dentro do mundo da gastronomía, como se ven demostrando nos últimos anos. E a conselleira aceptou de moi bo grado ser a pregoeira desta festa, que para Burela é todo un emblema e na que colabora o Concello”.
González Barcia sinalou que “o Concello de Burela colabora tanto na organización da propia feira Produart, aínda que depende da Fundación Expomar, pero pon a disposición de Produart todos os seus recursos materiais e humanos exactamente igual que ocorre coa festa do bonito. Nosoutros colaboramos de forma moi activa coa Sociedade Cultural Ledicia para que a festa do bonito sexa todo un éxito”.
O rexedor agradeceulle “unha vez máis á Sociedade Cultural Ledicia e a ese máis dun centenar de voluntarios e voluntarias que Ledicia mobiliza, porque grazas a eles se pode sacar adiante a organización dunha feira coma esta. Esperamos e confiamos que sexan moitos os visitantes que acudan aquí, a Burela, durante ese fin de semana e que saiban valorar o que se expón e o que se vende en Produart e tamén saiban valorar e estimar na súa xusta medida a importancia, tanto gastronómica como socioeconómica, que ten o bonito, a través da celebración desta festa que chega a súa trixésima edición”.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
