Burela, 17 de xullo de 2014. O alcalde, José Mª González Barcia, agarda recibir no Concello a mediados da vindeira semana o proxecto básico da nova escola infantil para proceder a continuación a concederlle a licenza de obra. Eses traballos poderían dar comezo xa a principios de setembro. Todo apunta a que a gardería estará operativa para o inicio do curso 2015/2016.
O rexedor explicou que “os próximos días, de aquí ata finais de mes, servirán para axilizar os trámites administrativos do que queremos que sexa a nova escola infantil de Burela, que vai a contar con 41 prazas. Está previsto que, como moi tarde, a mediados da vindeira semana se reciba no Concello o proxecto básico da obra para proceder a conceder a licenza de obra preceptiva”.
“Para o día 28 de xullo ás 10 da mañá, se non hai inconvintes, está previsto xunto cos propietarios do solar no que se vai construír a nova escola infantil asinar a acta de ocupación dese terreo e o 29 ou 30 realizaríase unha xunta de goberno extraordinaria para dar conta de que o solar xa é propiedade do Concello de Burela, conceder a licenza de obra e comunicarlle á Axencia Galega de Benestar e Servizos Sociais todo aquilo que sexa preceptivo para que por parte da Xunta se poida proceder ao inicio das obras no prazo que eles estimen oportuno”, seguiu a relatar o alcalde de Burela.
José Mª González Barcia dixo que “en principio se estaba a barallar como mes para poder iniciar as obras o de setembro, incluso a principios. Isto é un paso importante cara adiante de cara a cumprir o noso compromiso con Burela e o noso compromiso cos servizos sociais, e sobre todo con aquelas persoas que precisan de prazas na escola infantil”. E engadiu “sabemos que na escola que agora mesmo temos aquí en Burela hai lista de espera. Uns 20 ou 22 nenos quedaron fora e tamén sabemos que hai pais que non están a inscribir aos seus fill@s na escola infantil porque saben que se poden quedar fora. Deste xeito 41 familias poderán dispoñer de praza pública na nova escola infantil para o curso 2015/2016. A principios dese curso é cando está previsto que esa instalación entre en funcionamento. Iso suporá que 41 familias se asenten en Burela e contribuirá tamén a crear postos de traballo”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
