Burela, 28 de xullo de 2014. Este luns foron presentadas en Lugo a XXX Feira do Bonito e a décimo segunda edición de Produart. Foi no transcurso dun xantar que tivo lugar no restaurante Parrillada de Antonio.
No acto interviñeron: a deputada delegada de Economía, Pilar García Porto, o coordinador da Área de Mar na Mariña luguesa, Pablo Fernández Asensio, o secretario da Mesa do Parlamento, José Manuel Balseiro, o alcalde de Burela, José Mª González Barcia e a presidente da Sociedad Cultural Ledicia, Rocío Rivera.
Fernández Asensio dixo: “pescamos o bonito dunha maneira tradicional, comercializámolo cunhas etiquetas verdes e despois comémolo bonito. Agardo que este xogo de palabras de comemos o bonito, pescamos o bonito e comercializamos o bonito se entenda coa dobre lectura que pretendo”.
García Porto felicitou á organización da Feira do Bonito: “ten xa unha traxectoria importante entre as celebracións gastronómicas da provincia de Lugo e tamén pola transcendencia que se lle está a dar a un produto dunha grandísima e altísima calidade, que se comercializa principalmente a través da lonxa de Burela. Nós estamos encantados de poder participar e apoiar esta celebración porque entra dentro da filosofía que temos no goberno de Deputación, de promocionar os produtos de calidade coma un recurso económico para esta provincia”.
Pola súa banda, o secretario da Mesa do Parlamento, José Manuel Balseiro, sinalou na súa intervención que “Burela é un exemplo de bo facer co bonito do norte, é un exemplo que ven de moitos anos, que xera moita riqueza non só en Burela senón en toda A Mariña de Lugo. Hai que felicitar ao Concello e a todas as persoas que tiveron a iniciativa de facer un escaparate coma o que hoxe se está a presentar aquí. Cando falamos de bonito hai un porto que está moi por enriba dos mais e ese é o de Burela pola súa facturación, polo bo facer, pola pesca selectiva e polo emprego que xera”.
O alcalde de Burela, José Mª González Barcia, dixo que “hai moitos visitantes que marcan a primeira fin de agosto como cita ineludible dentro da súa programación veraniega. En Burela fomos capaces de conxugar a festa do bonito e Produart, que chega á súa duodécima edición. Detrás de todo isto están anos de traballo por parte das xentes do mar e tamén anos de traballo por parte das persoas e colectivos que teñen organizado estes eventos”. E engadiu que “hai que continuar a darlles promoción e a divulgalos canto máis mellor. Hai que buscar horizontes novos e segmentos de poboación distinta que nos poida visitar. Temos un produto de primeira calidade que é o bonito e temos un entorno, A Mariña, cunhas características moi singulares, que desde hai anos a inmensa maioría dos Concellos nos preocupamos por divulgar en conxunto, coma en Fitur, ou por separado”. O rexedor destacou a promoción turística marcada tras a segregación de Burela e que continúa na actualidade: as praias, o trato da xente, o barco museo Reina del Carmen, o porto de Burela e a pesca”.
E a presidenta da Sociedade Cultural Ledicia, Rocío Rivera, lembrou que “a Feira do Bonito cumpre 30 anos este sábado e a novidade deste ano é que a feira cambia de horario, sempre foi unha feira de tarde e nesta ocasión trasladamos ao mediodía tanto os actos institucionais como o horario en que realmente a xente poderá empezar a disfrutar do bonito. Haberá un acto no barco museo e despois terá lugar o nomeamento do asador maior e da colaboradora de honra, así coma a entrega de premios aos gañadores do concurso de carteis da feira. O pregón que pronunciará a conselleira do Mar, Rosa Quintana, dará comezo ás 14 horas e media hora despois dará comezo a degustación”. Serán 2.000 quilos de bonito os que se prepararán cocido, en empanada e asado á grella, e que darán para servir entre 3.500 a 4.000 racións para servir ao longo do día. Rivera destacou “a labor realizada polos máis de 120 voluntarios que traballan na súa preparación”.
González Barcia agradeceu a colaboración do restaurante Parrillada de Antonio, que un ano máis acolleu a presentación da Feira do Bonito en Lugo.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
