Ribadeo, 17 de xullo de 2014. As bandas de Villaviciosa, Viveiro e Ribadeo participarán no festival para conmemorar o Día da Patria Galega o 25 deste mes de xullo, venres. Ademais Amadores da Música celebrará o Día do Socio o 9 de agosto, sábado, e pon en marcha unha nova campaña de captación de asociados.
O presidente de Amadores da Música, José Luis Pulpeiro, anunciou hoxe que “dende a asociación estamos a mandar unhas cartas explicativas nas que se menciona a tódolos membros da nova directiva do colectivo. Facémolo para que toda aquela xente que non estea ao tanto dos cambios, vaia coñecendo a nova formación”. Entre os puntos fundamentais que se tratan nesas cartas enviadas aos socios, destacou que “en primeiro lugar, informamos sobre a celebración do próximo Festival de Bandas de Ribadeo. Terá lugar o día 25 de xullo a partir das 19:00 horas no Parque San Francisco e nel actuarán as bandas de Villaviciosa, Viveiro e Ribadeo. Este festival coincide dende hai anos coa data da celebración do Día da Patria Galega. Nesta ocasión vai a continuar facéndoo, aínda que a intención é que en anos posteriores o festival se celebre nunha data e o Día da Patria Galega noutra, por separado, como se facía nun principio. Esperamos que o festival sexa un éxito e que faga bo tempo”.
A directiva de Amadores da Música tamén deu a coñecer a celebración do Día do Socio, que “este ano celebrarase o 9 de agosto a partir das 21:00 horas no Auditorio de Cabanela. Alí os socios de Amadores poderán gozar dunha churruscada gratuíta. Para acudir a ela só teñen que levar a invitación persoal que recibirán coa súa carta estes días”. Os interesados en acudir deben confirmar a súa asistencia antes do día 6 de agosto.
O terceiro asunto que explican nas cartas aos membros de Amadores da Música “é a posta en marcha dunha campaña de captación de socios. Trátase dunha iniciativa novidosa e se os actuais membros do colectivo poñen un pouquiño da súa parte, facendo un socio novo, poderemos ter máis forza á hora de pedir subvencións e de traballar. Non cabe dúbida que non é o mesmo ter 500 que mil.” José Luis Pulpeiro recordou que “cada socio paga ó ano unha cota mínima de 12 euros, 1 euro ó mes, que nada é. Na carta envíase un cupón para que cada socio actual o cubra cos datos dun novo. Se o fai, o membro actual contará cun desconto de 12 euros na vindeira cota anual.”
O presidente de Amadores da Música tamén comentou que “a base de datos de socios está deteriorada e obsoleta. Non é culpa de ninguén, só de que cando se empezou a traballar nela non existían os medios tecnolóxicos que hai hoxe e era máis complicado actualizar os datos. Agora é máis doado, pero estamos arrastrando dende que a banda comezou a funcionar este desfase que tratamos de actualizar. Trátase dun traballo complexo porque non sabemos moi ben a quen dirixirnos ao non contar nas fichas cós teléfonos de contacto dos socios. Por iso pedímoslles a súa colaboración para que nos trasladen os seus números de contacto para poder actualizar a base de datos. Tamén queremos pedir desculpas por adiantado por seguir mandando cartas a socios que xa deixaron de selo ou faleceron. Facémolo sen ningunha mala intención, e imos intentar solucionalo en canto sexa posible”.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
