Cervo, 17 de xullo de 2014- A Concellería de Deportes informa da apertura do prazo de preinscrición para os cursos da piscina de cara á temporada 2014-2015. A oferta inclúe cursos para bebés, aquagim, cursos para nenos e nenas dentro da Escola Municipal Infantil de Natación, e iniciación e perfeccionamento para adultos.
Desta maneira, as persoas interesadas nalgunha destas actividades pode achegarse ata as instalacións da piscina para facer a preinscrición así como chamar por telefono ao 982 59 45 12. Este é o primeiro trámite que deberán facer os usuarios que desexen participar nos cursos xa que no mes de setembro deberán formalizar a matrícula.
O edil de Deportes agarda que “como todos os anos os cursos da piscina teñan unha boa acollida”. Guillén pon especial atención na Escola Municipal Infantil de Natación, que está estruturada en seis niveis de aprendizaxe, cada un deles asimilado a un animal acuático, e nos que o alumnado ten que superar unha serie de obxectivos.
Peche da piscina
Ademais, Deportes anuncia que o vaso da piscina estará pechado do 25 de xullo ao 31 de agosto, ambos incluídos, polo que abrirá de novo o 1 de setembro. Durante este tempo o Concello aproveitará para realizar tarefas de mantemento. Ao mesmo tempo, o resto de instalacións, como son o ximnasio e a sauna, seguirán funcionando, neste caso en horario de 10 a 14 e de 17 a 21 h. de luns a venres e os sábados de 10 a 14 h.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
