Ribadeo, 7 de xullo de 2014. O alcalde ribadense, Fernando Suárez, afirmou este luns que dende o Concello “estamos encarando con moito optimismo este inicio de verán, con moitas expectativas postas neste reclamo que está supoñendo Ribadeo de cara ó mundo”. O rexedor destacou o aumento de turistas afirmando que “a media de pernoctacións foi aumentando en anos anteriores e segue a facelo, tanto en número de peregrinos como en número de visitantes que queren acudir a Ribadeo polos seus encantos”.
Entre ditos encantos, Suárez destaca “a marabillosa praia das Catedrais, e tantas outras cousas fermosas coma o casco vello, a parroquia de Rinlo ou todas as actividades que dende o Concello temos programadas para este verán, ben por acción directa ou ben por colaboración”. O rexedor referiuse ao mercado dos domingos “que onte daba gloria velo e xa desde hai uns días temos en funcionamento o bus praia, con catro rutas diarias de maneira circular, que parte de Ribadeo e vai por todas praias rematando na arquicoñecida das Catedrais”.
Entre esas actividades o edil destaca “o Ribadeo Indiano para este fin de semana, o festival de Jazz and Blues, a feira do libro que se recupera despois de moitos anos sen facela en Ribadeo, a festa do percebe de Rinlo prevista para o 2 de agosto, a mostra folclórica internacional, a festa da carne ao caldeiro de Remourelle, o festival de música clásica, o día da malla das Anzas ou a xira de Santa Cruz.”
Unha ampla oferta coa que o alcalde espera “dar a coñecer o mellor do municipio a toda esa xente que acude a el”. Suárez Barcia recordou ademais a importancia da valoración que fixo o portal web Trivago “quen concedeu a Ribadeo o segundo mellor posto do estado en canto á satisfacción que os clientes mostraron no uso dos hostais e hoteis ribadenses. Algo que enche de orgullo aos veciños e obriga ao Concello a intentar traballar cada ano mellor neste aspectos turísticos a pesar de non contar con moitos medios”.
Para o alcalde ribadense unha mostra de que o traballo se está a facer ben pasa pola oficina de turismo de Ribadeo e polo punto de información turística de As Catedrais: “hai poucos anos había unha soa persoa a media xornada traballando, e hoxe contamos con oito guías turísticos que non paran de dar información sobre o noso Concello a visitantes chegados de tódolos lugares”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
