Burela, 25 de agosto de 2014. O Concello de Burela está iniciando os trámites para a contratación de profesorado para a Escola Municipal de Música, xa que na primeira quincena de setembro está previsto levar a cabo a selección de tres profesores para impartir as clases de óboe, clarinete e frauta. Son tres persoas que desenvolverán o seu traballo como laborais temporais a tempo parcial hasta finais do curso 2014/2015.
A concelleira de Cultura e Educación, Mónica Pedre, afirmou que “un curso máis, a Escola contará con profesorado especializado nestes instrumentos e con titulación de grao superior, para impartir con total garantía as clases prácticas dos mesmos. Este ano adiantamos unhas semanas a contratación deste profesorado, para que estea xa operativo cando comece o curso escolar, inicio que se anunciará na vindeira semana”.
Mónica Pedre tamén manifestou que “se está estudando a posibilidade de que a Escola Municipal de Música conte con profesor ou profesora de canto; estamos analizando diversas fórmulas, atendendo á situación económica. A idea é que este curso 14-15 comece a haber clases de canto, non seguramente da forma que nós e a propia Escola quixeramos, pero que serva para sentar as bases e darlle continuidade en vindeiros cursos”.
A edil popular considera que “con estas actuacións que levamos a cabo, xunto coa baixada dun 17% das taxas de matrícula, consideramos que estamos potenciando a Escola para que gañe en alumnado. Mentres tanto, outros preocupáronse antes por usar a Escola Municipal de Música como chiringuito cuasi privado, e agora por tentar tirar terra a todo o que se fai”.
Pedre Otero rematou asegurando que “foi o PP quen, no seu día, creou a Escola; e é o PP quen, agora, aposta de forma decidida por este proxecto, dotándoa de máis profesorado e facilitando, coa baixada das taxas, o acceso de máis alumnado”.
Persoal dos comedores
A edil de Educación, Mónica Pedre, manifestou que “os comedores dos CEIPs Virxe do Carme e Vista Alegre contarán desde o mesmo día de inicio do servizo de comedor co persoal colaborador correspondente, tal e como o propio alcalde comunicou persoalmente ás direccións dos centros e ás respectivas Anpas, cumprindo así o noso compromiso coas familias”.
En total serán nove persoas, cinco no Virxe do Carme e catro no Vista Alegre, as que atendan este servizo durante todo o curso. Durante esta semana está prevista unha reunión do alcalde e da concelleira con estas nove persoas, dado que é o Concello quen sufraga o cen por cen dos custes laborais e sociais deste persoal.
Mónica Pedre finalizou cunha aseveración: “aqueles que no seu momento manifestaron que este goberno ía acabar con todo, deberían agora pedir perdón publicamente por esas manifestacións. Non houbo ningunha merma de servizos municipais en ningún tema, e no caso concreto de Educación sábeno os centros e sábeno as familias. Eses que vían un futuro tan negro, son os que retiraron as subvencións e as axudas ás Anpas e aos propios centros. Vergoña lles debía dar dicir o que dixeron e o que aínda seguen dicindo”.
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
