Lugo, 24 de setembro de 2014.- A Xunta de Galicia destina á Mariña preto de 47.000 euros para apoiar as festas de interese turístico e os concellos turísticos da comarca, o que supón máis da metade do investimento que se realiza na provincia por estes conceptos.
Así o comunicou hoxe a delegada territorial, Raquel Arias, quen apuntou que son axudas non competitivas, que se aproban para todos os concellos que reúnen os requisitos e que as solicitan, co fin de reforzar a promoción dos seus atractivos turísticos.
A delegada explicou que a provincia de Lugo conta con quince festas declaradas de interese turístico e seis concellos turísticos. Deles, corresponden á Mariña a Festa das San Lucas de Mondoñedo; as do Ourizo, Maruxaina e a Queimada de Cervo; o Festival Folclórico Internacional do Emigrante de Barreiros, as festas de San Lourenzo de Foz, e a Festa da Faba de Lourenzá. A Xunta financia estas citas con 24.500 euros.
A Xunta subvenciona os gastos relacionados coa promoción e difusión turística da festa como publicidade, cartelaría, anuncios nos medios de comunicación, actuacións artísticas ou material gravado relativo á festa, entre outros. No caso da celebración de festas gastronómicas tamén son subvencionables os gastos de adquisición do produto obxecto da festa.
Arias xustifica o impulso a estes eventos que “destacan tanto pola súa singularidade e raigame como pola capacidade de atracción de visitantes, son unha exaltación da cultura e tradición popular e un incentivo para as economías locais”.
Así mesmo, Turismo de Galicia destina 22.395 euros aos concellos turísticos de Mondoñedo, Ribadeo e Foz para a contratación dun traballador durante catro meses, encargado de labores informativas e de promoción turística.
Raquel Arias subliñou a colaboración que se establece cos concellos en materia turística para “difundir os atractivos de cada comarca, a singularidade de cada municipio, poñendo en valor ao mesmo tempo a riqueza gastronómica, etnográfica e paisaxística deste territorio”.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
